KBC: विराट कोहलीच्या फ्लाइंग किसवर अमिताभ बच्चन यांचा यॉर्कर; अनुष्का शर्मा क्लीनबोल्ड

Amitabh Bachchan: भाकतीय क्रिकेटपटू विराट कोहली आणि अभिनेत्री अनुष्का शर्माचे करोडो फॅन्स आहेत. विराट आणि अनुष्का त्यांच्या लग्नामुळे आणि वैयक्तिक आयुष्यामुळे नेहमीच चर्चेत असतात. पण विराटच्या एका रोमँटिक मूव्हमेंटमुळे राष्ट्रीय टेलिव्हिजनवर सर्वांचे लक्ष वेधून घेतले. पण, त्या क्षणाचा मुख्य आकर्षण म्हणजे अमिताभ बच्चन यांनी अनुष्काची मस्करी केलेली आहे.

अनुष्का शर्मा एकदा 'कौन बनेगा करोडपती' मध्ये तिच्या 'सुई धागा' चित्रपटाच्या प्रमोशनसाठी वरुण धवनसोबत आली होती. शूटिंग दरम्यान ती एका स्पर्धकासोबत हॉट सीटवरही बसली होती. त्यानंतर अमिताभ बच्चन यांनी अनुष्का शर्मा यांनी त्यांची भरभरुन मस्करी केली.

अमिताभने अनुष्काची मस्करी केली

बिग बींनी प्रथम स्पर्धकाला विचारले की ती टीव्हीवर क्रिकेट पाहते का? जेव्हा त्याने उत्तर नाही असे दिले तेव्हा त्यांनी लगेच अनुष्काकडे बोट दाखवले, ज्यामुळे प्रेक्षकांना उत्सुकता निर्माण झाली. अनुष्काने सांगितले की ती तिच्या पतीमुळे क्रिकेट पाहते. मग अमिताभने तिला चिडवले, आणि म्हणाले, फक्त त्यांना पाहण्यासाठी?" त्यानंतर, अनुष्काने असेही म्हटले की ती मॅच टिमला पाठिंबा देते.

इतकेच नाही तर अमिताभ बच्चन यांनी मैदानावर विराट कोहलीच्या खास फ्लाइंग किसचेही अनुकरण केले. बिग बींच्या या स्टाईलनंतर प्रेक्षक हास्याने फुलले. अनुष्कालाही तिचे हास्य आवरता आले नाही आणि वरुण धवनही खूप हसताना दिसला. डिसेंबर २०१७ मध्ये लग्न झालेल्या या कपलला आता दोन मुले आहेत, मुलगी वामिका आणि मुलगा अकाय.