Amitabh Bachchan: अमिताभ बच्चन यांना अपघात; KBC च्या सेटवर घडली घटना

Amitabh Bacchan: दिवाळीच्या आदल्या दिवशी बॉलिवूडचे बिग बी अमिताभ बच्चन यांच्यासोबत 'कौन बनेगा करोडपती'च्या सेटवर अपघात घडला आहे. या अपघातात त्यांच्या पायाला दुखापत झाल्याचे कळत आहे. त्यांना तातडीने रुग्णालयात दाखल करण्यात आलं आहे.

अमिताभ यांनी आपल्या ब्लॉगवर या अपघाताची माहिती शेअर करत पायातून होत असलेला रक्तस्त्राव थांबण्यासाठी काही टाकेही लावण्यात येत असल्याची माहिती दिली आहे. त्यांच्या प्रकृतीसाठी चाहते खूप चिंतेत आले असून प्रकृती लवकर सुधारण्यासाठी प्रार्थना करत आहे.

रविवारी 'कौन बनेगा करोडपती' च्या सेटवर शूटिंग करताना हा अपघात झाल्याचे बोलले जात आहे. या अपघातात त्यांच्या पायाला इजा झाली असून पायाला दुखापत झाली आहे. पायातून खुपच रक्तस्त्राव झाल्याने डॉक्टरांनी त्यांना सध्या विश्रांती घेण्याचा सल्ला दिला आहे. त्यांनी ही माहिती आपल्या ब्लॉगच्या माध्यमातून दिली आहे.

त्या ब्लॉगमध्ये त्यांनी लिहिले की, "धातुच्या धारदार तुकड्याने त्यांच्या पायाला दुखापत झाल्याने इजा झाली आहे. नस कापल्याने पायतून रक्तस्त्राव थांबत नव्हते. त्यावेळी लगेचच सेटवरील कर्मचारी आणि तेथील डॉक्टरांच्या टीमच्या मदतीमुळे जास्त अनर्थ घडला नाही. सध्या तरी पायाला टाके पडले असून लवकरच बरा होऊन पुन्हा शूटिंगला सुरुवात करणार आहेत."

Edit By: Chetan Bodke