Drishyam 2 Controversy: अजय देवगणचे 'थँक गॉड' आणि 'दृश्यम २' हे चित्रपट प्रदर्शनासाठी सज्ज आहेत. परंतु थँक गॉड चित्रपटाला अनेक वादांना तोंड द्यावे लागत आहे. या चित्रपटावर हिंदूंच्या भावना दुखवल्याचा आरोप करण्यात आला आहे. या चित्रपटाविरुद्ध न्यायालयात याचिका दाखल करण्यात आली आहे. आता अजय देवगणच्या 'दृश्यम 2' साठी देखील समस्या निर्माण होते आहेत.
या चित्रपटात अजय देवगणसोबत तब्बू, इशिता दत्ता, मृणाल जाधव आणि रजित कपूर यांच्याही महत्त्वाच्या भूमिका आहेत. 'दृश्यम 2'चे दिग्दर्शन अभिषेक पाठक यांनी केले आहे. याशिवाय चित्रपटात आणखी एक नवीन एंट्री झाली आहे. बंद झालेली केस पुन्हा एकदा उघडली जाईल असे या कथेत दाखवले जाणार आहे. केस पुन्हा ओपन करणाऱ्या पोलीस अधिकाऱ्याच्या भूमिकेत अक्षय खन्ना आपल्याला दिसणार आहे. दृश्यम आणि दृश्यम 2 हे त्याच नावाचे मुळ मल्याळम चित्रपट आहेत. ज्यांचे रिमेक अजयचे हिंदी चित्रपट आहेत. (Bollywood)
'दृश्यम 2' प्रदर्शित होण्याआधी निर्माते मुळ चित्रपट हिंदीमध्ये डब करून युट्युबवर प्रदर्शित करणार असल्याची चर्चा सध्या सुरू आहे. ही बातमी ऐकल्यानंतर अजय देवगणसह संपूर्ण टीम हादरणार आहे. मात्र या वृत्तावर अद्याप कोणतेही अधिकृत वक्तव्य आलेले नाही. जर या गोष्टी खऱ्या ठरल्या तर 'दृश्यम 2'च्या निर्मात्यांना खूप नुकसान सहन करावे लागू शकते. (YouTube)
दृश्यम 2 चा मल्याळम सिक्वेल अमेझॉन प्राईमवर (Amazon Prime) आधीच उपलब्ध आहेत. अजयचा हा चित्रपट 22 नोव्हेंबरला थिएटरमध्ये दाखल होणार आहे. या चित्रपटाचा पहिला भाग निशिकांत कामत यांनी 2015 मध्ये केला होता. त्यानंतर 2020 मध्ये त्यांचा मृत्यू झाला. यामुळे अभिषेक पाठक यांनी दृष्यम 2 ची कमान आपल्या हातात घेतली आहे. या चित्रपटाचे शूटिंग हैदराबादमध्ये पूर्ण झाले. सध्या चित्रपटाच्या पोस्ट प्रोडक्शनचे काम सुरू आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.