Ponniyin Selvan-1 : टीझर रीलीज होण्यापूर्वीच सुपरस्टार विक्रमची प्रकृती बिघडली, रुग्णालयात केले दाखल

मुंबई : साउथचा प्रसिद्ध अभिनेता चियान विक्रम (Chiyaan Vikram) हा त्याचा आगामी चित्रपट 'पोनियिन सेल्वन-१' (Ponniyin Selvan-1) च्या प्रोमोशनमध्ये व्यग्र आहे. आज या चित्रपटाचा टीझर लॉन्च होणार आहे. परंतु या चित्रपटाच्या टीझर लॉन्चसाठी अभिनेता विक्रम उपस्थित राहू शकणार नाही. माहितीनुसार, काल अभिनेता विक्रम याची प्रकृती अचानक बिघडल्याने त्याला चेन्नईतील रुग्णालयात दाखल करण्यात आले आहे.

विक्रमची तब्येत कशामुळे बिघडली आणि त्याला रुग्णालयात का दाखल करावे लागले याचे कारण सध्या तरी कळू शकले नाही. मात्र आज तो पोनियिन सेल्वनच्या टीझर लॉन्चसाठी जाणार होता. परंतु त्याआधीच त्याला रुग्णालयात दाखल करावे लागले. माहितीनुसार, विक्रमला हृदयविकाराचा झटका आला असल्याचे बोलले जात आहे. त्यामुळे त्याची एंजियोप्लास्टी करण्यात आली असून, अजून तरी त्याच्या प्रकृतीबदल कोणत्याही अपडेट समोर आल्या नाहीत.

विक्रम आज संध्याकाळी त्याच्या आगामी 'पोनियिन सेल्वन-1' या चित्रपटाच्या टीझर लॉन्चसाठी उपस्थित राहणार होता. हा टीझर आज संध्याकाळी ६ वाजता एका रीलीज होणार आहे. हा चित्रपट मणिरत्नम यांनी दिग्दर्शित केला असून, या चित्रपटामध्ये ऐश्वर्या राय बच्चन, कार्ती, जयम रवी, सरथ कुमार आणि त्रिशा हे कलाकार मुख्य भूमिका साकारणार आहेत.

विक्रमचा आगामी चित्रपट 'कोब्रा' ११ ऑगस्ट रोजी रुपेरी पडद्यावर प्रदर्शित होणार आहे. याचे दिग्दर्शन अजय ज्ञानमुथूने केले आहे. या चित्रपटामध्ये माजी भारतीय क्रिकेटपटू इरफान पठाण त्याचबरोबर श्रीनिधी शेट्टी, मिरनालिनी रवी, के.एस रविकुमार आणि मिया जॉर्ज हे कलाकार महत्वाची भूमिका साकारणार आहेत.