Kantara 2 Movie: कन्नड अभिनेता आणि दिग्दर्शक ऋषभ शेट्टीच्या 'कांतारा' या चित्रपटाने बॉक्स ऑफिसवर धुमाकूळ घातला होता. या चित्रपटाने फक्त भारतातच नाहीत जगभरात वाह वाह मिळवली. आता या चित्रपटाच्या पुढच्या भागाची प्रेक्षकांना उत्सुकता आहे. प्रेक्षक कांतारा २ची आतुरतेने वाट पाहत आहेत.
ऋषभ शेट्टीने 'कांतारा २'ची मोठी अपडेट शेअर केली आहे. सोशल मीडियावर पोस्ट करत ऋषभने चित्रपटाविषयी माहिती दिली आहे.
हॉम्बले फिल्म्स या प्रॉडक्शन हाऊसने त्यांच्या सोशल मीडियावर एक पोस्ट केली आहे. या पोस्टमध्ये त्यांनी लिहिले आहे, लेखनाची सुरुवात... उगदी आणि नवीन वर्षाच्या या शुभ मुहूर्तावर, आम्हाला हे जाहीर करताना आनंद होत आहे की कंताराच्या दुसऱ्या भागाचे लेखन सुरू झाले आहे. निसर्गाशी असलेले आमचे नाते दर्शवणारी आणखी एक आकर्षक कथा तुमच्यासाठी आणण्यासाठी आम्ही प्रतीक्षा करू शकत नाही. अधिक माहितीसाठी संपर्कात रहा.
तर त्यांची ही पोस्ट शेअर करत ऋषभ शेट्टीने देखील यावर शिक्कामोर्तब केला आहे. त्याने त्याच्या पोस्टमध्ये म्हटले आहे की, उगदी सणाच्या सर्व देशवासीयांना हार्दिक शुभेच्छा. हॅपी उगदी ! कांतारा लेखन सुरू!
ऋषभ शेट्टी लिखित, दिग्दर्शित आणि अभिनय कांतारा हा चित्रपट भारतीय संस्कृतीशी जोडलेला आहे. ऋषभाला गावाकडे, गावाच्या मातीतले चित्रपट प्रेक्षकांपर्यंत घेऊन जायचे आहेत. कांतारा हा चित्रपट १६ कोटीच्या बजेटमध्ये बनला आहे. कन्नड भाषेतील हा चित्रपट कन्नड भाषेत प्रदर्शित झाला. त्यानंतर हिंदी आणि तेलगू भाषेत त्याचे भाषांतर करण्यात आले.
कांतारा भाग एक हा चित्रपट तुम्ही नेटफ्लिक्स या ओटीटी प्लॅटफॉर्मवर पाहू शकता.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.