Ram Charan fans fight: रामचरणच्या प्रेमापायी पोरींचा फुल्ल ऑन राडा; सोशल मीडियावर हाणामारीचा व्हिडीओ तुफान व्हायरल...

College Girls Fight Over 'RRR' Actor: दाक्षिणात्य सुपरस्टार रामचरण सध्या ‘RRR’ चित्रपटामुळे बराच चर्चेत आला आहे. त्याच्या ‘नाटू नाटू’ या गाण्याला ‘सर्वोत्कृष्ट मुळ गाणं’चा ऑस्कर पुरस्कार जाहीर झाल्यानंतर चित्रपटाची चांगलीच चर्चा सुरु झाली आहे. रामचरणचा चाहता वर्ग सोशल मीडियावर सर्वाधिक आहे. सध्या त्याच्या दोन चाहत्यांचा हाणामारीचा व्हिडीओ सोशल मीडियावर बराच व्हायरल होत आहे. अभिनेता रामचरण याच्यासंबंधित कॉलेजमधील दोन तरुणींचा व्हिडिओ सध्या सोशल मीडियावर बराच व्हायरल होत आहे.

या व्हायरल व्हिडीओत, दोन्ही मुली RRR फेम रामचरण संबंधित काही मुद्द्यावरून भांडण करता- करता थेट एकमेकींचे केस ओढण्यापर्यंत त्यांचा हा वाद गेलेला पाहायला मिळाला. भांडणाचे नेमके कारण आणि नेमकं कोणत्या महाविद्यालयात हा प्रकार घडला हे कळू शकले नाही, व्हिडिओ आंध्र प्रदेशातील असल्याचे व्हायरल व्हिडीओत दिसत आहे, त्या मुली तेलुगू भाषेत एकमेकींसोबत भांडताना दिसत आहे.

हा व्हिडीओ सध्या ट्विटरवर व्हायरल होत असून सोशल मीडियावर याच्या संमिश्र प्रतिक्रिया येत आहे. व्हिडीओ व्हायरल झाल्यापासून, व्हिडिओला नेटकऱ्यांनी सर्वाधिक व्ह्यूज दिल्या आहेत. जरी व्हिडीओ व्हायरल होत असला तरी, नेटकऱ्यांकडून त्या तरुणींना ट्रोल केले जात आहे. “ या मुलींना काही कामं धंदे नाहीत का? कोणासाठी एकमेकींच्या झिंज्या उपटताय.?” अशी एका युजरने कमेंट केली आहे.

तर आणखी एक युजर म्हणतो, “जर कामाचा कंटाळा आला असेल तर ही लढाई एकदा आवश्य पहा.” तर दुसरा युजर म्हणतो, “कोणत्याही मुलाने या मुलींच्या भांडणात उडी घेतली नाही हे पाहून आनंद झाला.” तर आणखी एक युजर गंमतशीर पणे म्हणतो, “लढाई पाहण्यासाठी भाषेचा अडथळा नाही.” तर आणखी एक म्हणतो, “दक्षिण चित्रपटाचे फालतू चाहते.”