![Ulhasnagar Crime:](http://media.assettype.com/saamtv%2F2024-07%2F38a9b481-78b6-4b7b-9304-673d28e4cda0%2FUntitled%20design%20-%202024-07-13T074417.374.jpg?w=480&auto=format%2Ccompress&fit=max)
उल्हासनगर, ता. १३ जुलै २०२४
वयोवृद्ध व्यक्तीने स्वतःला गोळी मारून आत्महत्या करण्याचा प्रयत्न केल्याची धक्कादायक घटना उल्हासनगरमध्ये घडली. या घटनेत सदर व्यक्ती गंभीर जखमी झाली असून त्याच्यावर खासगी रुग्णालयात उपचार सुरू आहेत. या प्रकरणाचा अधिक तपास सुरू आहे.
याबाबत सविस्तर माहिती अशी की, उल्हासनगरमध्ये रात्री साडेबारा वाजेच्या सुमारास एका वयोवृद्ध व्यक्तीने स्वतःला रिव्हॉल्वर गोळी मारून घेतल्याची घटना घडली आहे. विठ्ठलवाडी पोलीस ठाण्याच्या हद्दीत ही घटना घडली असून जखमी व्यक्तीला येथील खासगी रुग्णालयात दाखल करण्यात आले आहे.
उल्हासनगर कॅम्प क्रमांक चार येथील शिवनगर शिवसेना शाखा समोर असलेल्या बंगल्यात ही घटना घडली आहे. जगदीश चव्हाण (वय,६०) असे आत्महत्येचा प्रयत्न केलेल्या व्यक्तीचे नाव आहे. चव्हाण यांनी स्वतःला गोळी मारून आत्महत्येचा प्रयत्न का केला? तसेच चव्हाण यांनी रिव्हॉल्वर कोठून आणले? याबाबतचा अधिक तपास सुरू आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.