पालघरच्या बिबलधर गावात होणाऱ्या नवऱ्याने होणाऱ्या बायकोवर लैंगिक शोषण करून हत्या केली.
मुलीने शारीरिक संबंधांना नकार दिल्याने आरोपीने संतापाच्या भरात गुन्हा केला.
आरोपी गावाजवळील जंगलात पळून गेला, पण पोलिसांनी काही तासांत अटक केली.
या घटनेने गावासह संपूर्ण पालघर जिल्हा हादरला आहे.
पालघरमध्ये धक्कादायक घटना घडली आहे. लग्न ठरलेल्या तरुणीचे लग्नापूर्वी तिच्याच नवऱ्याने लैंगिक शोषण केले असल्याचं समोर आलं आहे. इतक्यावरच न थांबता या नराधमाने होणाऱ्या बायकोने शारीरिक संबंधांसाठी नकार दर्शवल्याने तिची हत्या केली. या घटनेने शहर हादरले आहे.
मिळालेल्या माहितीनुसार, पालघरमधील बिबलधर गावात बुधवारी दुपारी पीडित मुलीचे आईवडील शेतात गेले असताना तिचा होणारा नवरा घरी आला. मुलीला एकटी पाहून त्याने तिच्यावर शारीरिक संबंध ठेवण्यासाठी दबाव आणला. मात्र, मुलीने स्पष्ट नकार दिला, त्यानंतर आरोपीने तिच्यावर बलात्कार केला आणि नंतर तिची हत्या केली.
घडलेल्या घटनेनेनंतर आरोपी गावाजवळील जंगलात पळून गेला. संध्याकाळी मुलीचे कुटुंबीय घरी परतले तेव्हा त्यांना मुलीचा मृतदेह पाहून धक्का बसला. मुलीच्या आईने तातडीने आरोपीविरुद्ध तक्रार दाखल केली आहे.
पोलिसांनी आरोपीला काही तासांतच ताब्यात घेतले आहे. मुलीचा मृतदेह शवविच्छेदनासाठी पाठवण्यात आला आहे. दरम्यान पोलिस संपूर्ण प्रकरणाचा तपास करत आहेत. या प्रकरणी आरोपीला काय शिक्षा करण्यात येईल हे पाहणं महत्त्वाचं ठरेल.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.