बिहारच्या भागलपूर जिल्ह्यात चोरीच्या आरोपावरून तरुणावर अमानुष अत्याचार.
आरोपींनी पीडिताच्या गुदद्वारात पेट्रोल ओतले आणि दोन दिवस दबावाखाली ठेवले.
कुटुंबीयांनी आणि स्थानिकांनी पीडिताला सोडवून उपचारासाठी रुग्णालयात दाखल केले.
पोलिसांकडे तक्रार दाखल.
बिहार मधून धक्कादायक बातमी समोर आली आहे. बिहारच्या भागलपूर जिल्ह्यात चोरीच्या आरोपाखाली एका तरुणाला पकडून मारहाण करण्यात आली आणि त्याच्या गुदद्वारात पेट्रोल ओतण्यात आले. या प्रकरणी पोलीस सखोल तपास करत आहेत.
बिहारमधील भागलपूर जिल्ह्यातील झंडापूर पोलीस स्टेशन हद्दीतील दयालपूर गावात चोरीच्या आरोपाखाली एका तरुणाला पकडून मारहाण करण्यात आली. तरुणाने गुन्हा कबुल न केल्याने त्याच्या गुदद्वारात पेट्रोल ओतण्यात आले. आरोपीने पीडित तरुणाला दोन दिवस दबावाखाली ठेवल्याचे कुटुंबीयांनी सांगितले.
पीडितेच्या कुटुंबीयांनी स्थानिक लोकांच्या मदतीने मंगळवारी पीडित मुलाला नराधमांच्या तावडीतून सोडवले आणि प्रथम त्याला उपचारासाठी बिहपूर प्राथमिक आरोग्य केंद्रात नेले, तेथून त्याला चांगल्या उपचारांसाठी मायागंज येथे पाठवण्यात आले. मंगळवारी संध्याकाळी उशिरा त्याला उपचारासाठी मायागंज येथे दाखल करण्यात आले.
पीडितेच्या कुटुंबाचे म्हणणे आहे की ज्या घरात चोरी झाली त्या घरात सीसीटीव्ही बसवलेले आहेत. धक्कदायक म्हणजे ज्या घरातून चोरी झाली त्या घरातील फुटेजमध्ये त्यांचा पुतण्या चोरीत सहभागी असल्याचे दिसून आले. या घटनेबाबत पीडित तरुणाच्या पालकांनी पोलिसांकडे लेखी तक्रार दाखल केली आहे. दरम्यान या घटनेचा पोलीस अधिक तपास करत असून आरोपींचा शोध सुरु आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.