Crime News : एकटीला गाठले, अश्लील व्हिडीओ बनवून धमक्या दिल्या; भावाकडून अल्पवयीन बहिणीवर अत्याचार

Crime News Update : एका तरुणाने घरात एकटीला गाठून अल्पवयीन मुलीवर अत्याचार केल्याची घटना उघडकीस आली आहे. आरोपीने अल्पवयीन मुलीला फसवून, तिला लग्नाचे आमिष दाखवून तिचा गैरफायदा घेतला. आरोपी हा नात्याने पीडित मुलीचा भाऊ लागतो अशी माहिती समोर आली आहे. ही घटना राजस्थानच्या अलवरमध्ये घडली आहे.

मिळालेल्या माहितीनुसार, आरोपी तरुण हा पीडितेच्या वडिलांच्या दूरच्या नातेवाईकाचा भाचा आहे. नात्यात असल्याने आरोपी पीडितेच्या घरी नियमित वावर होता. तो काही-ना-काही काम काढून त्यांच्या घरी येत असे. पुढे आरोपीने पीडित अल्पवयीन मुलीला लग्नाचे आमिष दाखवले आणि तिच्यावर अनेकदा लैंगिक अत्याचार केले.

अल्पवयीन मुलीच्या वडिलांनी या प्रकरणाची तक्रार स्थानिक पोलिस ठाण्यामध्ये केली. पोलिसांनीही परिस्थितीचे गांभीर्य जाणून लगेच एफआयआर दाखल केली. त्याचसोबत पीडितेला वैद्यकीय तपासणीसाठी पाठवले. त्यानंतर पोलिसांनी तिचा जबाब देखील घेतला. पोलिसांनी आरोपीच्या विरोधात पॉक्सोअंतर्गत गुन्हा दाखल करुन त्याचा शोध घ्यायला सुरुवात केली.

आरोपी जयपूरमध्ये क्रिकेट अकादमीमध्ये क्रिकेटचे प्रशिक्षण घेत होता. तेव्हाच त्याला पोलिसांनी ताब्यात घेतले. आरोपीने पीडित मुलीवर लैंगिक अत्याचार केले. तिचे अश्लील व्हिडीओदेखील बनवले. हे व्हिडीओ पोस्ट करेन अशी धमकी देऊन त्याचे अल्पवयीन मुलीवर अनेकदा शोषण केल्याची माहिती पोलिसांनी दिली आहे.