Pune Crime News: पुण्यात शाळकरी मुलांची 'भाईगिरी'; दहावीच्या विद्यार्थ्यांनी केला अल्पवयीन मुलावर चाकू हल्ला

Crime in Khadak Police Station Area

पुण्यात चाकू हल्ल्याच्या घटनांमध्ये अलीकडे वाढ झाली आहे. रोज नवीन नवीन प्रकरणं समोर येत आहेत. काही दिवसांपूर्वी बिर्याणी न दिल्यामुळं दुकानदारावर ग्राहकाने चाकू हल्ला केल्याची घटना घडली होती. आताही अशीच एक धक्कादायक घटना समोर आली आहे. त्याबाबत सविस्तर जाणून घेऊ या. (Latest Crime News)

अल्पवयीन मुलावर चाकू हल्ला

पुण्यात (Pune) शाळकरी मुलांनी एका अल्पवयीन मुलावर चाकूने वार केल्याची धक्कादायक घटना समोर आली आहे. ही घटना भवानी पेठेतील रामोशी गेट परिसरात घडली. या हल्ल्यात दहावीच्या वर्गातील मुलगा गंभीर जखमी झाला (Student Attack on Minor Boy) आहे. या प्रकरणी खडक पोलिसांनी चार अल्पवयीन मुलांना ताब्यात घेतले आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

खडक पोलीस ठाण्यात तक्रार दाखल

याबाबत १५ वर्षीय मुलाने खडक पोलीस ठाण्यात (Khadak Police Station Area) तक्रार दाखल केली आहे. त्यावरून पोलिसांनी चार अल्पवयीन मुलांना ताब्यात घेतले आहे. तक्रारदार अल्पवयीन मुलगा महापालिकेच्या एका शाळेत दहावीच्या वर्गात (10th Student) आहे. तर गुन्हा दाखल करण्यात आलेली चार मुले याच परिसरात महापालिकेच्या एका शाळेत दहावीच्या वर्गात शिकतात.

तक्रारदार मुलाचा दोन दिवसांपूर्वी एकमेकांकडे पाहण्यावरून एका मुलाशी वाद झाला होता. त्या मुलाने शाळेतील मित्रांना हा प्रकार सांगितला. त्यानंतर मंगळवारी दुपारी तक्रारदार मुलगा रामोशी गेट परिसरातून घरी जात होता.

साखळी आणि बेल्टने बेदम मारहाण

त्यावेळी चौघांनी त्याला अडवले. त्याला शिवीगाळ केली. तुला मस्ती आली का? असे म्हणत मुलाला साखळी आणि बेल्टने बेदम मारहाण केली. त्याच्या छातीवर चाकूने वार केला. त्यावेळी नागरिकांनी हल्ला करणाऱ्या मुलांना रोखण्याचा प्रयत्न केला. नागरिकांनी याबाबत पोलिसांना (10th Student Attack on Minor Boy) कळवले.

या घटनेची माहिती मिळाल्यानंतर रामोशी गेट चौकीतील पोलिसांनी घटनास्थळी दाखल झाले. त्यांनी चार अल्पवयीन मुलांना ताब्यात घेतलं आहे. जखमी झालेल्या मुलावर ससून रूग्णालयात उपचार सुरू (Pune Crime) आहेत. मुलाची प्रकृती स्थिर आहे. या घटनेमुळे परिसरात चांगलीच खळबळ उडाली आहे.