अक्षय बडवे
पुणे: क्षुल्लक कारणावरून झालेल्या वादात विद्यार्थ्यांनी एकमेकांवर कोयता उगारल्याची घटना पिंपरी-चिंचवडमध्ये घडलीय. येथील डी.वाय. पाटील कॉलेजमध्ये इंजीनियरिंगच्या तिसऱ्या वर्षात शिकत असललेल्या विद्यार्थ्यांमध्ये क्षुल्ल्क कारणावरून वाद झाला. त्यानंतर विद्यार्थ्यांनी एकमेकांवर कोयता उगारला.
याप्रकरणी पोलिसांनी दिलेल्या माहितीनुसार, डी.वाय. पाटील इंजिनिअरिंग कॉलेजमध्ये शिकत असणाऱ्या तिसऱ्या वर्षाच्या विद्यार्थ्यांमध्ये हा वाद झाला. काल दुपारी साडेचार वाजता ही घटना घडलीय. इंजीनिअरिंगचा पेपर सुरू होता. नेहमीप्रमाणे विद्यार्थी पेपर देऊन घरी जात होते. त्यावेळी यातील काही तरुण कॉलेजच्या परिसरात बसून फोनवर बोलत होते.
दरम्यान एकमेकांकडे बघितल्यामुळे तसेच फोनवर मोठ्या आवाजात बोलत होते. त्यावरून या विद्यार्थ्यांमध्ये वाद झाला. यातील एका गटाच्या तरुणांनी थेट त्यांच्याकडे असलेला कोयता उगारला सुदैवाने यात कुठलाही विद्यार्थी जखमी झालेला नाही. या संपूर्ण प्रकरणी दिघी पोलीस ठाण्यामध्ये गुन्हा दाखल करण्यात आला असून पुढील पुढील तपास केला जात आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.