Tamilnadu :धक्कादायक! मद्यधुंद अवस्थेत असलेल्या भाजप कार्यकर्त्याची निर्घृण हत्या

Tamilnadu News : तामिळनाडूच्या शिवगंगई येथे भाजप कार्यकर्ते सतीश कुमार यांची निर्घृण हत्या झाली. पोलिसांच्या मते वैयक्तिक वादातून ही घटना घडली असून मुख्य आरोपी अजूनही फरार आहे.
Tamilnadu :धक्कादायक! मद्यधुंद अवस्थेत असलेल्या भाजप कार्यकर्त्याची निर्घृण हत्या
tamilnadu NewsSaam Tv
Published On
Summary
  • तामिळनाडूच्या शिवगंगईत भाजप कार्यकर्ते सतीश कुमार यांची मारहाण करून हत्या.

  • पोलिसांच्या प्राथमिक तपासानुसार घटना वैयक्तिक वादातून घडली असून राजकीय हेतू नव्हता.

  • पाचहून अधिक संशयित चौकशीत, तर मुख्य आरोपी फरार आहे.

  • दोन महिन्यांत दुसऱ्या भाजप पदाधिकाऱ्याची हत्या.

तामिळनाडूमध्ये पुन्हा एकदा भाजप कार्यकर्त्याच्या हत्येची घटना घडल्याने राजकीय वातावरणात खळबळ उडाली आहे. शिवगंगई येथे भाजप जिल्हा वाणिज्य शाखेचे सदस्य सतीश कुमार यांची निर्घृण हत्या करण्यात आली. पोलिसांनी दिलेल्या माहितीनुसार, सतीश कुमार यांच्यावर एका टोळीने हल्ला केला आणि निर्दय मारहाण करून ठार मारले. ही घटना ऐकून स्थानिकांमध्ये मोठी दहशत पसरली असून भाजप पक्षाने या प्रकरणात तातडीने कारवाईची मागणी केली आहे.

पोलिस अधिकाऱ्यांनी दिलेल्या माहितीनुसार, ही हत्या राजकीय हेतूने नव्हे तर वैयक्तिक कारणांमुळे घडल्याचे प्राथमिक तपासातून स्पष्ट झाले आहे. हल्ल्याच्या वेळी आरोपी गट आणि सतीश कुमार दोघेही मद्यधुंद अवस्थेत होते. नशेत झालेल्या भांडणाचे रूपांतर हाणामारीत झाले आणि त्यातूनच ही गंभीर घटना घडली. सध्या या प्रकरणात पोलिसांनी पाचहून अधिक संशयितांना चौकशीसाठी ताब्यात घेतले असून मुख्य आरोपी अजूनही फरार आहे.

Tamilnadu :धक्कादायक! मद्यधुंद अवस्थेत असलेल्या भाजप कार्यकर्त्याची निर्घृण हत्या
Tamilnadu Blast : तामिळनाडूमध्ये फटाक्यांच्या कारखान्यात मोठा स्फोट; ६ जणांचा मृत्यू, तर दोन जखमी

यापूर्वीही तामिळनाडूमध्ये भाजप कार्यकर्त्यांच्या हत्येच्या घटना घडल्या आहेत. अवघ्या दोन महिन्यांपूर्वी म्हणजेच ४ जुलै रोजी दिंडीगुल जिल्ह्यात ३९ वर्षीय भाजप पदाधिकारी बालकृष्णन यांची हत्या करण्यात आली होती. राजकापट्टी येथील रहिवासी असलेल्या बालकृष्णन यांच्यावर सनारपट्टीजवळ मित्रांसोबत संवाद साधत असताना मोटारसायकलवरून आलेल्या एका टोळीने हल्ला केला होता. या हल्ल्यात त्यांना गंभीर दुखापत झाली आणि नंतर त्यांचा मृतदेह दिंडीगुल जिल्हा सरकारी रुग्णालयात शवविच्छेदनासाठी पाठवण्यात आला होता. त्या घटनेमागेही आर्थिक वाद असल्याचे उघड झाले होते.

Tamilnadu :धक्कादायक! मद्यधुंद अवस्थेत असलेल्या भाजप कार्यकर्त्याची निर्घृण हत्या
Tamilnadu CM News | रेवंत रेड्डी आज मुख्यमंत्री पदाची शपथ घेणार

शिवगंगई जिल्ह्यातील या घटनेमुळे स्थानिक पातळीवर तणाव निर्माण झाला असून पोलिसांनी गावात अतिरिक्त सुरक्षा तैनात केली आहे. दरम्यान, पोलिसांचा तपास अधिक वेगाने सुरू आहे. राजकीय हेतू नसल्याचे पोलिसांनी स्पष्ट केले असले तरी, भाजप कार्यकर्त्यांची सतत होत असलेली हत्या हा गंभीर मुद्दा बनला आहे. तामिळनाडू सरकार आणि पोलिस यंत्रणा या घटनांवर कितपत प्रभावीपणे नियंत्रण मिळवतात हे आगामी काही दिवसांत स्पष्ट होणार आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com