ओडिशामध्ये अल्पवयीन मुलीवर सामूहिक बलात्कार करण्यात आल्याची धक्कादायक घटना समोर आली. नराधमांनी पीडित मुलीला जंगालात ओढत नेत तिच्यासोबत भयंकर कृत्य केले. मुलगी आरोपींच्या तावडीतून कशी तरी सुटली आणि पळून गेली. वाटेत तिला एका ट्रक चालकाने मदत करण्याचा बहाणा केला आणि त्याने देखील तिच्यावर लैंगिक अत्याचार करण्याचा प्रयत्न केला. या प्रकरणी पोलिसांनी ४ जणांना अटक केली.
मिळालेल्या माहितीनुसार, ओडिशाच्या मलकानगिरी जिल्ह्यात ही धक्कादायक घटना घडली. रविवारी संध्याकाळी एका अल्पवयीन मुलीवर सामूहिक बलात्कार करण्यात आला. पीडित मुलगी तिच्या मैत्रिणीच्या वाढदिवसानिमित्त आयोजित केलेल्या पार्टीवरून घरी परत जात होती. घराकडे जात असताना या मुलीचे ३ जणांनी अपरहण केले. त्यानंतर आरोपींनी तिला मलकानगिरी शहरापासून १०-१५ किमी अंतरावर असलेल्या जंगलात नेले आणि तिथे तिच्यावर सामूहिक बलात्कार केला.
पोलिसांनी दिलेल्या माहितीनुसार, आरोपींनी पीडित मुलीला मारहाण करत तिच्यावर आळीपाळीने बलात्कार केला. आरोपींच्या तावडीतून पळून जाण्यात मुलगी यशस्वी झाली पण तिला माहिती नव्हते की पुढे आणखी एक नराधम तिच्यासोबत भयंकर कृत्य करेल.
पळून जाताना शहराच्या बाहेर एका ट्रक चालकाने या मुलीवर लैंगिक अत्याचार करण्याचा प्रयत्न केला. स्थानिक लोकांनी पीडित मुलीला ट्रक चालकासोबत संशयास्पद अवस्थेत पाहिले. त्यानंतर त्यांनी या मुलीची त्याच्या तावडीतून सुटका केली. या प्रकरणात पोलिसांनी ट्रक चालकासह चारही आरोपींना अटक केली आहे आणि प्रकरणाचा तपास पोलिसांकडून सुरू आहे.
मलकानगिरीचे एसपी विनोद पाटील यांनी पत्रकार परिषद घेत सांगितले की, 'मलकानगिरी शहरापासून सुमारे १०-१५ किमी अंतरावर असलेल्या जंगलात बलात्काराची ही पहिलीच घटना घडली. या गुन्ह्यात ट्रक चालकासह चार जणांचा सहभाग होता. परंतु फक्त तीन जणांनी या मुलीवर सामूहिक बलात्कार केला. सध्या या प्रकरणाचा कसून तपास सुरू आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.