Navi Mumbai Crime: विवाहबाह्य संबंध, लग्नाला नकार दिल्याने तरुणाची सटकली, गर्लफ्रेंडच्या नवऱ्याला संपवलं

विकास मिरगणे, नवी मुंबई

नवी मुंबईमध्ये तरुणाने गर्लफ्रेंडच्या नवऱ्याला संपवल्याची घटना समोर आली आहे. महिलेने लग्नाला नकार दिला त्यामुळे आरोपीने तिच्या नवऱ्याची हत्या केली आणि मृतदेह लपवून ठेवला. या प्रकरणी महिलेने पोलिस ठाण्यामध्ये धाव घेत तक्रार दाखल केली. या प्रकरणाचा तपास करत असताना महिलेच्या बॉयफ्रेंडनेच हे कृत्य केल्याचे समोर आले. पोलिसांनी या प्रकरणी आरोपीविरोधात गुन्हा दाखल केला आहे. आरोपी सध्या फरार असून पोलिस त्याचा शोध घेत आहेत.

मिळालेल्या माहितीनुसार, नवी मुंबईतील वाशीमध्ये ही घटना घडली. एका २५ वर्षीय विवाहित महिलेनं लग्नाला नकार दिल्याच्या रागातून तिच्या बॉयफ्रेंडने टोकाचे पाऊल उचलले. त्याने या महिलेच्या नवऱ्याची हत्या केली. या प्रकरणी पीडित महिलेनेच पोलिस ठाण्यात धाव घेत तक्रार दाखल केली होती. आबुबकर सुहादअली मंडल (वय ३५ वर्षे) असं हत्या करण्यात आलेल्या व्यक्तीचे नाव आहे. तर अमीनुर अली अहेमदअली मौल्ला (वय २१ वर्षे) असं आरोपीचे नाव आहे.

फातीमा आबुबकर मंडल (२५ वर्षे) ही महिला वाशी गावातील केरळा हाऊस समोरील झोपडपट्टीमध्ये राहते. ती घरकाम करून आपला संसार चालवते. तिची ओळख अमीनुर अली अहेमदअली मौल्ला याच्यासोबत झाली. या दोघांची खूप चांगली मैत्री झाली त्यानंतर मैत्रीचे रुपांतर प्रेमात झाले. आरोपी फातीमावर लग्न करण्यासाठी दबाव टाकू लागला. पण तिने लग्नाला स्पष्ट नकार दिला. त्यामुळे त्याने फातीमाच्या नवऱ्याचीच हत्या केली

फातीमाचा नवरा नेहमीप्रमाणे कामावर गेला पण संध्याकाळी तो घरी परत न आल्यामुळे चिंतेत आलेल्या फातीमाने त्याचा इकडे तिकडे शोध घेतला. तो कुठेच भेटला नाही त्यामुळे तिने थेट पोलिस ठाणे गाठत तक्रार दाखल केली. त्यानंतर पोलिसांनी तपास सुरू केला असता एक गंभीर बाब समोर आली. आरोपी अमीनुर अली अहेमदअली मौल्लाने फातीमाला लग्नासाठी वारंवार तगादा लावला होता. मात्र फातीमाने स्पष्ट नकार दिला. नकार सहन न झाल्याने त्याने संतापाच्या भरात तिच्या नवऱ्याची हत्या केली.

हत्या केल्यानंतर आरोपीने मृतदेह कोणत्यातरी अज्ञात ठिकाणी लपवून ठेवला. इतकंच नव्हे तर पुरावे नष्ट करण्याच्या उद्देशाने कपडे आणि इतर वस्तू पनवेल-सायन रोडवरील वाशीगाव अंडरपास रोडजवळील खाडीमध्ये फेकून दिल्या. या प्ररकरणी पोलिसांनी आरोपीला अटक केली आहे. त्याच्याविरोधात कलम कलम १०३(१), २३८, ३०२ आणि २०१ अंतर्गत गुन्हा दाखल केला. सध्या आरोपी फरार आहे. आरोपीला अटक करण्यासाठी पोलिसांनी टीम तयार केली आहे.