नाशिकमध्ये बापाने आपल्या पोटच्या मुलीवर बलात्कार केल्याची धक्कादायक घटना समोर आली आहे. पीडित मुलगी १७ वर्षांची असून ती गरोदर राहिली आहे. पोट साफ होत नाही म्हणून पीडित मुलगी डॉक्टरांकडे गेली होती. डॉक्टरांनी सोनोग्राफी केल्यानंतर ती गर्भवती राहिल्याची बाब समोर आली. त्यानंतर पीडित मुलीची विचारपूस केली असता वडिलांनी तिच्यासोबत हे घाणेरडं कृत्य केल्याचे सांगितले. या प्रकरणी आरोपीविरोधात गुन्हा दाखल करत पोलिसांनी त्याला अटक केली. या घटनेमुळे नाशिकमध्ये खळबळ उडाली आहे.
मिळालेल्या माहितीनुसार, नाशिकच्या गंगापूर पोलिस ठाण्याच्या हद्दीमध्ये ही घटना घडली. आरोपी मूळचा बिहारचा असून तो कुटुंबीयांसोबत सध्या नाशिकच्या गंगापूर पोलिस ठाण्याच्या हद्दीतील शिवाजीनगर परिसरात राहतो. पीडित मुलीची आई सतत गावाला जायची. याचाच फायदा घेत आरोपीने आपल्या मुलीवरच बलात्कार केला. पीडित मुलगी गर्भवती राहिली.
पीडित मुलीच्या पोटात दुखत होते. त्यामुळे तिची आई तिला घेऊन नाशिकच्या जिल्हा रुग्णालयात दाखल केले. याठिकाणी तिची तपासणी करण्यात आली तेव्हा ती गर्भवती असल्याची बाब उघडकीस आली. पीडित मुलगी आठ आठवड्यांची गर्भवती असल्याचे डॉक्टरांनी सांगितले. मुलगी गर्भवती असल्याचे कळताच तिच्या आईला मोठा धक्का बसला. पीडित मुलीच्या आईच्या तक्रारीवरून अज्ञात व्यक्तीविरोधात गंगापूर पोलिस ठाण्यात गुन्हा दाखल करण्यात आला.
पोलिसांनी या प्रकरणाचा कसून तपास करण्यास सुरूवात केली. या तपासादरम्यान पोलिसांनी १०० पेक्षआ अधिक जणांची चौकशी केली. या तपासादरम्यान पोलिसांना कळाले की पीडित मुलीची आई दीड महिन्यांपासून आपल्या गावी गेली होती. त्यानंतर पोलिसांनी पीडित मुलीच्या वडिलांचा डीएनए तपासला. त्यानंतर पीडित मुलीवर वडिलांनीच बलात्कार केल्याचे समोर आले. पोलिसांनी नराधम बापाविरोधात गुन्हा दाखल करत त्याला बेड्या ठोकल्या. या घटनेमुळे नाशिकमध्ये एकच खळबळ उडाली.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.