मुंबईमध्ये नवऱ्याने बायकोची बेदम मारहाण करत हत्या केल्याची घटना घडली. मुंबईच्या गोरेगावमध्ये हा धक्कादायक प्रकार घडला. किरकोळ भांडणातून नवऱ्याने हे कृत्य केले. आरोपीने बायकोला बेदम मारहाण केली. आवाज येऊ नये म्हणून तिच्या तोंडामध्ये गमछा कोंबला आणि तिचा जीव घेतला. याप्रकरणी आरोपी पतीला पोलिसांनी अटक केली. याप्रकरणाचा पोलिस तपास करत आहेत. या घटनेमुळे गोरेगावमध्ये खळबळ उडाली आहे.
मिळालेल्या माहितीनुसार, गोरेगाव पोलिस ठाण्याच्या हद्दीतील तिवारी चाळीमध्ये ही घटना घडली. याठिकाणी रॉयल शेख हा व्यक्ती आपल्या पत्नी रेखा खातून उर्फ राबियासोबत राहत होता. या नवरा-बायकोमध्ये नेहमी वाद व्हायचे. १६ मार्चला या नवरा-बायकोमध्ये किरकोळ कारणावरून वाद झाला. त्यानंतर संतप्त झालेल्या रॉयलने बायकोला लाथाबुक्क्यांनी बेदम मारहाण करत तिचा जीव घेतला.
गोरेगाव पोलिसांना स्थानिक नागरिकांनी या घटनेची माहिती दिली. महिला गंभीर जखमी असल्याचे पोलिसांना सांगण्यात आले होते. पोलिसांनी घटनास्थळी धाव घेत महिलेला तात्काळ जोगेश्वरी येथील ट्रामा केअर रुग्णालयात उपचारासाठी दाखल केले. पण डॉक्टरांनी तिला मृत घोषित केले. पोलिसांनी याप्रकरणी रॉयल शेखला ताब्यात घेत त्याची चौकशी केली असता त्याने बायकोची हत्या केल्याची कबुली दिली.
पोलिसांनी दिलेल्या माहितीनुसार, आरोपी रॉयल शेखचे पत्नी रेखा खातून उर्फ राबियासोबत घरगुती कारणावरून भांडण झाले. या भांडणादरम्यान त्याने बायकोच्या नाकावर, तोंडावर आणि डोळ्यावर बुक्क्या घातल्या. या घटनेत राबिया गंभीर जखमी झाली. आरोपी ऐवढ्यावर न थांबता त्याने बायकोच्या तोंडात टॉवेलचा गमछा कोंबून तिची हत्या केली. याप्रकरणी आरोपीविरोधात कलम १०३ (१) बीएनएस अन्वये गुन्हा दाखल करत त्याला अटक केली.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.