Shocking News : पाठलाग करत कार अडवली, खेचत बाहेर ओढलं; नंतर शिवीगाळ करत बेदम मारलं; उद्योजकावर जीवघेणा हल्ला

अक्षय पाटील, जालना

जालन्यातून धक्कदायक बातमी समोर आली आहे. शहरात तरुण उद्योजकाला टोळक्यानी बेदम मारहाण केली आहे. या मारहाणीच्या घटनेचा सीसीटीव्ही फुटेज सोशल मीडियावर व्हायरल झाली आहे. पीडित तरुण उद्योजकाचे नाव यश मित्तल असे आहे. याप्रकरणी शहरात खळबळ उडाली आहे.

मिळलेल्या माहितीनुसार, सदर घटना जालना शहरातील छत्रपती संभाजीनगर भागामध्ये रात्री साडेदहाच्या सुमारास घडली आहे. संभाजीनगर भागातून जात जात असताना यश मित्तल याच्या चार चाकी वाहनाचा पाठलाग करत तीन ते चार जण बाईक वरून आले. त्यानंतर त्यांनी मित्तलला शिवीगाळ केली.

मित्तल गाडीतून उतरताच हा वाद टोकाला गेला. संतापलेल्या दुचाकीस्वाराने मित्तल याला बेदम मारहाण केली. या झटापटीत मित्तल जखमी झाला. ही घटना सीसीटीव्ही कॅमेऱ्यात कैद झाला असून सोशल मीडियावर व्हायरल झाला आहे. याप्रकरणी सदर बाजार पोलीस ठाण्यामध्ये अज्ञात तीन ते चार आरोपींविरोधात गुन्हा दाखल करण्यात आला आहे.

दाखल केलेल्या तक्रारीवरून पोलिसांनी या घटनेचा तातडीने तपास सुरु केला आहे. दरम्यान हे तरुण कोण होते ? यांनी या उद्योजकाला का मारहाण केली? हे अद्यापही अस्पष्ट आहे.अशा पद्धतीची दहशत माजवणाऱ्या गावगुंडांवर त्वरित कारवाई करण्याची मागणी सर्वसामान्य करत आहेत. या घटनेने उद्योजकवर्गातून संताप व्यक्त होत आहे. पोलीस या घटनेचा तपास करत आहेत. या हल्लखोराना काय शिक्षा होणार हे पाहणं महत्त्वाचं ठरेल.