Pune News : बाबा आईरा शाब बनावट नावाने भोंदूबाबाचा पुण्यात वावर, पैशांचा पाऊस प्रकरणी जगताप अटकेत

- सचिन जाधव

Hadapsar News :

पैशाचा पाऊस पाडतो म्हणून १८ लाख रुपयांची फसवणूक करणाऱ्या भोंदूबाबाला व त्याच्या सहकार्याला अटक करण्यात हडपसर पोलिसांना यश आले आहे. पाेलिसांनी दिलेल्या माहितीनूसार संशयिताचे नाव संजूबाबा उर्फ संजय भरत जगताप असे आहे. बाबा आईरा शाब या खाेट्या नावाने त्याचा वावर राहिला आहे. (Maharashtra News)

कोट्यावधी रुपयांच्या पैशाचा पाऊस पडतो असे सांगत विनोद छोटेलाल परदेशी यांची 18 लाखांची फसवणुक करणारा आणि पैसे घेऊन पळून गेलेल्या बाबा आईरा शॉब (Baba Ayra Shab) याच्यासह माधुरी मोरे (Madhuri More), रॉकी वैद्य (Rocky Vaidya) आणि किशोर पंडागळे (Kishor Pandagale) या चार जणांवर हडपसर पोलीसांत गुन्हा दाखल आहे. या घटनेचा पाेलिस तपास करीत हाेते.

पाेलिसांनी दिलेल्या माहितीनूसार बाबा आईरा शाब या अटक करण्यात आली आहे. त्याच्या चौकशीअंती बाबाचे खरे नाव संजूबाबा उर्फ संजय भरत जगताप असे आहे. हा बाबा बनावट नावाने जादूटोणा करीत असल्याचे समोर आले आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

या प्रकरणातील दोन संशयितांना न्यायालयाने पाच दिवसांची पोलिस कोठडी सुनावली आहे. अन्य चार संशयितांचा शोध सुरु असल्याची माहिती हडपसर पोलिसांनी दिली.

Edited By : Siddharth Latkar