Pune Crime News : पुणेकर हैराण; वारजे माळवाडी परिसरात गुंडांचा हैदाेस, 20 वाहनांची तोडफोड

- अक्षय बडवे

Warje Malwadi News :

पुणे शहर व परिसरात रस्त्यांवर उभ्या असलेल्या वाहनांची तोडफोड करण्याचा प्रकार सुरूच असल्याची माहिती आज (बुधवार) सकाळच्या सुमारास उघडकीस आली आहे. वारजे माळवाडी परिसरात पुन्हा वाहनांच्या काचा फाेडण्यात आल्याची तक्रार पाेलीसांत नाेंद झाली आहे. (Maharashtra News)

काही दिवसांपूर्वी वारजे परिसरात वाहने पेटवण्यात आली होती. आता पुन्हा १० दिवसात दुसऱ्यांदा वाहनांच्या तोडफोडीची घटना घडल्याचे आज समाेर आले. वारजे भागातील विठ्ठल नगर रस्त्यावर उभ्या केलेल्या वाहनांची टोळक्याकडून तोडफोड करण्यात आली आहे. वाढत्या गुन्हेगारीमुळे परिसरातील नागरिक हैराण झालेत.

दरम्यान पाेलीसांकडून मिळालेल्या माहितीनूसार या घटनेत सराईत गुन्हेगार अविनाश सुरेश कम्पले उर्फ अव्या, सतीश पवन राठोड, विशाल संजय सोनकर या संशयितांचा समावेश आहे. या संशयितांनी परिसरातील 15 ते 20 वाहनांची तोडफोड केल्याचे पाेलीसांनी नमूद केले.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar