![fight between two groups of students preparing for competitive exams in sambhajinagar](http://media.assettype.com/saamtv%2F2024-05%2Fbd543336-19bd-460b-9710-beb8017ac487%2FSaam_Templet_Banner_new__5_.jpg?w=480&auto=format%2Ccompress&fit=max)
- रामनाथ ढाकणे
छत्रपती संभाजीनगर शहरात विद्यार्थ्यांच्या दोन गटात झालेल्या वाद मारामारी पर्यंत गेला. त्यातून एकमेकांना दगड, विटा मारण्यापर्यंत मजल गेली. मारामारी करणारे विद्यार्थ्यी हे स्पर्धा परिक्षेच्या तयारीसाठी शहरात आल्याचे समजते. दरम्यान या घटनेची नाेंद पाेलिसांत झालेली नाही. या घटनेचा व्हिडिओ समाज माध्यमात व्हायरल हाेऊ लागला आहे. (Maharashtra News)
छत्रपती संभाजीनगर शहरातील टीव्ही सेंटर परिसरातील एन 11 भागात स्पर्धा परीक्षेची तयारी करणाऱ्या विद्यार्थ्यांच्या दोन गटात वाद झाला. त्यामुळे या वादाचे रूपांतर थेट हाणामारीत झाले.
दोन गट एकमेकांवर भिडू लागले. दगड आणि विटांचा मारा करू लागले. काहींनी एकास कपडे फाटेपर्यंत मारले. या घटनेचा व्हिडिओ समाेर आला आहे. तसेच समाज माध्यमात देखील मारामारीचा व्हिडिओ व्हायरल हाेऊ लागला आहे.
या घटनेबाबत पाेलिसांना माहिती मिळाली परंतु ताेपर्यंत विद्यार्थी पसार झाले हाेते. पोलिसांनी या ठिकाणी तातडीने पाहणी केली. हे दोन्ही गट बाहेरचे होते असे सांगून या युवकांबाबत आमच्याकडे कुठलीही माहिती नाही असे पाेलिसांनी सांगितले. या घटनेची नाेंद पोलिसांत कुठही झालेली नाही अथवा काेणाची तक्रार दाखल नाही.
('साम टीव्ही'चं व्हॉट्सअॅप चॅनल जॉईन करण्यासाठी येथे क्लिक करा)
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.