- अभिजित देशमुख
डोंबिवलीतील राज्य उत्पादन शुल्क विभागाच्या पथकाने गेल्या आठवड्याभरात धडक कारवाई करत विनापरवाना देशी-विदेशी दारूचा साठा जप्त केला. या कारवाई दरम्यान दोघांना अटक करण्यात आली असून संशयित आरोपींमध्ये एका महिलेचा समावेश आहे. (Maharashtra News)
मच्छी मार्केट परिसरात महिलेस अटक
डोंबिवली पश्चिमेकडील मच्छी मार्केट परिसरात महाराष्ट्र दिनी (एक मे) या ड्राय डेच्या दिवशी एक महिला देशी-विदेशी दारू विक्री करत असल्याची माहिती डोंबिवलीच्या राज्य उत्पादन शुल्क विभागाच्या पथकाला मिळाली होती.
या माहितीच्या आधारे मच्छी मार्केट परिसरात सापळा रचत राज्य उत्पादन शुल्क विभागाच्या पथकाने विनापरवाना दारू विक्री करणाऱ्या मैनाबाई भोईर या महिलेला अटक केली. तिच्याकडून देशी विदेशी दारू असा एकूण एक लाख 31 हजारांचा मुद्देमाल जप्त केला.
डोंबिवलीत टेम्पोसह 188 लिटर विदेशी दारू जप्त
डोंबिवली मध्ये बेकायदेशीर विनापरवाना विदेशी मद्याची वाहतूक होत असल्याची माहिती डोंबिवलीच्या राज्य उत्पादन शुल्क विभाग पथकाला मिळाली होती. या माहितीच्या आधारे डोंबिवली राज्य उत्पादन शुल्क विभागाच्या पथकाने डोंबिवली पूर्वेकडील निळजे परिसरात सापळा रचला.
एक टेम्पो संशयास्पद रित्या आढळून आल्याने या पथकाने टेम्पो थांबवून टेम्पोची झडती घेतली. या टेम्पोमध्ये 188 लिटर विदेशी दारू व बियर असा एकूण चार लाख 13 हजारांचा मुद्देमाल आढळून आला.
('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
याप्रकरणी राज्य उत्पादन शुल्क विभागाने गुन्हा नोंद करत टेम्पो व दारू जप्त केले. या प्रकरणी अमित यादव या टेम्पो चालकाला अटक करण्यात आली आहे. त्यानेही दारू कुठून आणली याचा शोध आता एक्साईज विभाग करत आहे.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
