Pimpri Chinchwad Crime News: कासरवाडीच्या युवकांकडून वाहनाची तोडफोड, पाच जणांवर गुन्हा दाखल, एकास अटक

Pimpri Chinchwad :

पिंपरी चिंचवड शहरातील कासरवाडी परिसरात गाव गुंडांनी चारचाकी वाहनांची काठ्या आणि दगडाच्या साह्याने तोडफोड केली. या प्रकरणी पाच जणांवर भोसरी पोलिसांनी गुन्हा दाखल केला असून एकास अटक केली आहे. पाेलिस अन्य चार संशयित आरोपींचा शोध घेताहेत. (Maharashtra News)

पाेलिसांकडून घटनेबाबत मिळालेली माहिती अशी : बार चालकाने बियरचे पैसे संशयित आरोपींकडे मागितल्याने संतापलेल्या कासरवाडीच्या पाच जणांनी बार मालक आणि बार मॅनेजरला धमकावले. त्यांच्या वाहनांची तोडफोड केली.

हे पाच जण वाहनांची तोडफोड करत असतानाची दृश्य सीसीटीव्ही कॅमेरात कैद झाली आहेत. कासरवाडीचे भाई आहोत...... आम्हाला पैसे मागतो का ? असा आव आणत संशयितांनी चार चाकी वाहनांची तोडफोड केल्याची तक्रार त्यांच्या विराेधात पाेलिसांत नाेंदवली गेली आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

या प्रकरणी भोसरी पोलिसांनी ऋषिकेश उर्फ मुंगळ्या विश्वनाथ मोटे, अरमान कपिल देशमुख, रोहित कदम, अभी भोरे आणि शिवा पवार यांच्यावर गुन्हा दाखल केला आहे. त्यातील ऋषिकेशला भोसरी पोलिसांनी अटक केली. अन्य चाैघांचा पाेलिस शाेध घेताहेत.

Edited By : Siddharth Latkar