नगर तालुक्यातील पिंपळगाव लांडगा येथे दोन मुलींसह आईचा मृत झाला आहे. घराला आग लागल्याने त्यांचा मृत्यू झाला असावा अशी शक्यता वर्तवली जात आहे. तसेच परिसरात महिलेच्या अंगावर रॉकेल ओतून तिला पेटवल्याची चर्चा आहे. नेमकं काय घडलं याबाबत पोलीस अधिक तपास करत आहेत.
मिळालेल्या माहितीनुसार, लीलाबाई सुनील लांडगे असं मृत आईचं नाव आहे. तर साक्षी आणि खुशी अशी दोन्ही मृत मुलींची नावे आहेत. पोलिसांना या घटनेबाबत माहिती मिळताच त्यांनी तातडीने तेथे धाव घेतली.
होळीच्या दिवशी राज्यात अनेक ठिकाणी आगीच्या घटना घडल्या आहेत. हिंगोलीच्या वसमत शहरालगत असलेल्या हळदीच्या एका मोठ्या गोडाऊनमध्ये सकाळी आग लागली होती. अचानक गोडाऊनमधून धूर निघत असल्याने परिसरातील नागरिकांनी पाहणी केल्याने ही घटना उघडकीस आली.
घटनेची माहिती मिळताच आग्निशमन दलाच्या जवानांनी घटनास्थळी धाव घेतली. सुदैवाने या घटनेत कोणतीही जीवितहानी झालेली नाही. वेळीच यंत्रणा पोहचल्याने आगीवर देखील नियंत्रण मिळवता आले आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.