Ulhasnagar Crime News : दोन हजाराची लाच घेतल्याप्रकरणी उल्हासनगर महापालिकेच्या मुकादमास अटक

Ulhasnagar News : 

उल्हासनगर महानगरपालिकेच्या प्रभाग मुकादम संजय पेडामकर यांना दोन हजाराची लाच घेताना एसीबीने रंगेहाथ पकडले. या प्रकरणी पेडामकर यास अटक केल्याची माहिती हिललाईन पोलीस ठाण्यातून देण्यात आली आहे. (Maharashtra News)

याबाबत मिळालेली माहिती अशी - कॅम्प क्रमांक पाच भागात रोडवर शोरमा विक्री करणाऱ्या विक्रेत्यास रस्त्यावर व्यवसाय करायचा असेल तर दर महिन्याला तीन हजार रुपये लाच द्यावी लागेल अन्यथा इथे व्यवसाय करायला देणार नाही असा सज्जड दम संजय यांनी दिला हाेता.

संबंधित विक्रेत्याने ठाणे लाचलुचपत विभागाकडे तक्रार केली. दरम्यानच्या काळात विक्रेत्याने संजय यास दोन हजार रुपयांची लाच देण्याची तडजोड केली. हे पैसे स्वीकारण्यास संजय पेडामकर आल्यानंतर तसेच त्याने लाच स्वीकारल्यावर सापळा रचून बसलेल्या लाचलुचपत अधिकाऱ्यांनी त्यास रंगेहाथ पकडले.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

याप्रकरणी हिललाईन पोलीस ठाण्यात गुन्हा दाखल करण्यात आला. संजय पेडामकर यास अटक केल्याची माहिती पाेलिसांनी दिली.

Edited By : Siddharth Latkar