Royal Enfield Shotgun 650: बाजारात धिंगाणा! आली नवीन रॉयल एनफील्ड शॉटगन 650; जाणून घ्या किंमत

Royal Enfield Shotgun 650:

प्रसिद्ध दुचाकी उत्पादक कंपनी रॉयल एनफील्ड आपली नवीन शॉटगन 650 बाईक जागतिक बाजारात सादर केली आहे. शॉटगन 650 सुपर मेटिअर 650 सह प्लॅटफॉर्म शेअर करते. मात्र, रॉयल एनफिल्डने त्यात काही बदल केले आहेत.

Royal Enfield पुढील वर्षाच्या सुरुवातीला Shotgun 650 लॉन्च करेल, अशी शक्यता वर्तवली जात आहे. याच बाईकबद्दल अधिक माहिती जाणून घेऊ...  ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

रॉयल एनफील्ड शॉटगन 650 चार रंग पर्यायांमध्ये सादर केली जाईल. यात स्टॅन्सिल व्हाइट, प्लाझ्मा ब्लू, ग्रीन ड्रिल आणि शीटमेटल ग्रे रंगाचा समावेश आहे. बाईकमध्ये फॅक्टरी-फिटेड ट्यूबलेस टायर्ससह 18-इंच फ्रंट आणि 17-इंच अलॉय व्हील असतील. रॉयल एनफिल्ड अॅलॉय व्हीलचे डायमंड-कट व्हेरियंट देखील अॅक्सेसरी म्हणून विकेल. (Latest Marathi News)

बाईकच्या सस्पेन्शनबद्दल बोलायचे झाले तर, यात पुढील बाजूस 43mm मोठे पिस्टन शोवा फोर्क्स आणि मागील बाजूस ट्विन ट्यूब 5-स्टेप शॉक अॅब्जॉर्बर सस्पेंशन आहे. शॉटगन 650 च्या सीटची उंची 795 मिमी आणि व्हीलबेस 1,465 मिमी आहे. Royal Enfield समोर 320mm डिस्क आणि मागील बाजूस 300mm डिस्क वापरत आहे. ऑफरवर ड्युअल-चॅनल ABS असेल.

कंपनीने सांगितलं आहे आहे की, शॉटगन 650 एलईडी हेडलॅम्प, डिजी-एनालॉग इन्स्ट्रुमेंट क्लस्टर, ट्रिपर नेव्हिगेशन, यूएसबी चार्जिंग पोर्ट आणि रॉयल एनफील्ड विंगमॅन सपोर्टसह येईल.