ओला इलेक्ट्रिकने आपल्या सोशल मीडिया प्लॅटफॉर्मवर अशा स्कूटरचा व्हिडिओ शेअर केला, ज्याला पाहून नेटकऱ्यांना वाटले की कंपनी लोकांना एप्रिल फूल करत आहे. मात्र हे तसं नाही आहे. ओलाने व्हिडिओद्वारे जगातील पहिली ऑटोनॉमस इलेक्ट्रिक स्कूटर सादर केली आहे.
कंपनीने नवीन मॉडेलला ओला सोलो असे नाव दिले आहे. ओला ही अशा प्रकारची स्कूटर बनवणारी पहिली कंपनी ठरली आहे. कारण भारतात अनेक दुचाकी कंपन्या इतक्या वर्षांपासून स्कूटर बनवत आहेत, पण या प्रकारची स्कूटर कोणीही बनवली नाही. (साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
पहिल्यांदा ओला सोलो 1 एप्रिल रोजी सोशल मीडिया प्लॅटफॉर्मवर दिसली. सुरुवातीला असे वाटले की कदाचित कंपनी एप्रिल फूल बनवत आहे, मात्र तसं झाले नाही. कारण ते वर्किंग प्रोटोटाइप असल्याचे दिसून आले. भावीश अग्रवाल यांनी ही पोस्ट त्यांच्या एक्स हँडलवर अपलोड केली. कंपनीचा दावा आहे की सोलो पूर्णपणे होममेड असेल. (Latest Marathi News)
कंपनीचा दावा आहे की, Ola Solo मध्ये QUICKIE.AI आहे, जे झटपट निर्णय घेण्यास सक्षम आहे. शिवाय यात एक इन-हाउस विकसित LMAO9000 चिप आहे, जी रस्त्यांवर सहजपणे नेव्हिगेट करण्यासाठी रिअल-टाइम ट्रॅफिक डेटाचे विश्लेषण करते.
नवीन ओला सोलो स्कूटर Krutrim voice-enabled AI तंत्रज्ञानाने सुसज्ज असेल आणि 22 भाषांना सपोर्ट करेल. यात ऑटोनॉमस क्षमता वाढवण्यासाठी JU-Guard नावाचा एक इन-हाउस विकसित ॲडॉप्टिव्ह अल्गोरिदम आहे, जो आरामदायी राइड देईल आणि खड्डे आणि स्पीड ब्रेकरची देखील काळजी घेईल.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.