टेस्ला मॉडेल वाय मुंबई BKC मध्ये लाँच झाली.
किंमत 59.89 लाख रुपये पासून सुरू होते.
लाँग रेंज, ऑटोपायलट, प्रीमियम इंटिरियर ही वैशिष्ट्ये आहेत.
स्पर्धा बीएमडब्ल्यू, मर्सिडीज-बेंझ आणि विनफास्टशी असेल.
भारत हा जगातील तिसरा सर्वात मोठा ऑटोमोबाईल बाजार असून इलेक्ट्रिक वाहनांच्या विक्रीत झपाट्याने वाढ होत आहे. जून महिन्यात देशात 13,178 इलेक्ट्रिक प्रवासी वाहनांची विक्री झाली असून, प्रवासी वाहनांच्या ईव्हींचा बाजारातील वाटा 4.4 टक्क्यांवर पोहोचला आहे. अशा परिस्थितीत एलोन मस्क यांच्या बहुचर्चित टेस्लाने भारतात प्रवेश केला आहे. मुंबईतील बॉम्बे-कुर्ला कॉम्प्लेक्स (BKC) येथे कंपनीने आपला पहिला शोरूम उघडला आहे.
गेल्या काही महिन्यांत टेस्लाने भारतात 1 दशलक्ष डॉलर्सपेक्षा जास्त किमतीची वाहने, चार्जर आणि अॅक्सेसरीज आयात केली आहेत. हे सर्व चीन आणि अमेरिकेतून आणले गेले असून, त्यात सर्वाधिक विक्री होणाऱ्या मॉडेल वाय कारच्या सहा युनिट्सचा समावेश आहे. अमेरिका आणि चीनमधील तणावाच्या पार्श्वभूमीवर भारत हा टेस्लासाठी नवीन आणि महत्त्वाचा बाजार ठरत आहे. टेस्लाच्या विक्रीत अलीकडे घट झाली असून, 2025 च्या पहिल्या तिमाहीत कंपनीचा नफा 16.3 टक्क्यांवर घसरला आहे, जो मागील वर्षी याच काळात 17.4 टक्के होता.
मॉडेल वाय ही जगातील सर्वाधिक विक्री होणारी इलेक्ट्रिक कार आहे, परंतु भारतात ती बहुतेक खरेदीदारांच्या आवाक्याबाहेर राहण्याची शक्यता आहे. भारतात इलेक्ट्रिक वाहनांचा वाटा अद्याप 5 टक्क्यांपेक्षा कमी असून, लक्झरी वाहनांचा वाटा फक्त 1 टक्का आहे. त्यामुळे टेस्लाची थेट स्पर्धा बीएमडब्ल्यू आणि मर्सिडीज-बेंझसारख्या लक्झरी वाहन उत्पादकांशी होणार आहे, तर टाटा मोटर्स, महिंद्रा किंवा एमजी मोटरसारख्या किफायतशीर ब्रँडशी स्पर्धा होण्याची शक्यता नाही.
दरम्यान, व्हिएतनामी ईव्ही कंपनी विनफास्टही भारतात पाऊल ठेवत आहे. 15 जुलैपासून कंपनी देशातील 27 शहरांमध्ये एकाच वेळी 32 डीलरशिप सुरू करणार असून, एका वर्षात ही संख्या 35 पर्यंत नेण्याची योजना आहे. विनफास्टची पहिली कार VF6 आणि VF7 असून, या दोन्ही गाड्या प्रीमियम वैशिष्ट्यांसह येतात. टेस्ला गाडीमध्ये ८ कॅमेरा लावण्यात आले आहेत. हे कॅमेरे समोर कोणती गाडी आली किंवा माणूस आला की आधीच अलर्ट करतात असं हे फिचर्स काम करतात.
टेस्लाची मॉडेल वाय ही एक कॉम्पॅक्ट इलेक्ट्रिक क्रॉसओव्हर एसयूव्ही आहे. तिच्या बेसिक मॉडेलची किंमत आयात शुल्काशिवाय सुमारे 27 लाख रुपये आहे. परंतु आयात शुल्क आणि कर धरून ही किंमत जवळपास 48 लाख रुपयांपर्यंत जाते. कंपनीच्या अधिकृत वेबसाइटनुसार, भारतातील किंमती सुमारे 60 लाख रुपयांपासून सुरू होतात. रियर-व्हील ड्राइव्ह व्हेरिएंटची किंमत 59.89 लाख रुपये असून, ऑन-रोड किंमत 61.7 लाख रुपये आहे. लाल रंगातील लांब पल्ल्याच्या व्हेरिएंटची किंमत 68.14 लाख रुपये असून, ऑन-रोड किंमत 71.2 लाख रुपये आहे. जास्त आयात शुल्कामुळे भारतातील टेस्लाच्या किंमती अमेरिका आणि चीनपेक्षा खूपच जास्त आहेत. एलोन मस्क यांनी यावर नाराजीही व्यक्त केली आहे.
टेस्ला मॉडेल वाय भारतात कधी आली?
टेस्ला मॉडेल वायचा भारतातील अधिकृत लाँच मुंबई BKC शोरूममध्ये झाला.
भारतातील टेस्ला मॉडेल वायची किंमत किती आहे?
बेस मॉडेल किंमत सुमारे 59.89 लाख रुपये असून ऑन-रोड किंमत 61.7 लाख रुपये आहे.
मॉडेल वायची खास वैशिष्ट्ये कोणती आहेत?
लाँग रेंज क्षमता, ऑटोपायलट फीचर, प्रीमियम इंटिरियर आणि उच्च सुरक्षा मानके ही प्रमुख वैशिष्ट्ये आहेत.
टेस्लाची स्पर्धा भारतात कोणाशी आहे?
टेस्लाची मुख्य स्पर्धा बीएमडब्ल्यू, मर्सिडीज-बेंझ आणि विनफास्ट सारख्या कंपन्यांशी आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.