Success Story: IIT ड्रॉप आउट, अवघ्या ५ महिन्यात उभारली २८६ कोटींची कंपनी; मुंबईच्या राहुलची सक्सेस स्टोरी वाचा

यशाचा मार्ग हा नेहमी अवघड असतो. कधीही तुम्ही शॉर्ट कट वापरुन यशस्वी होऊ शकत नाही. त्यामुळे अनेकजण प्रयत्न करत नाही. अपयशाच्या भीतीने एक पाऊल पुढे टाकत नाही. परंतु कितीही अपयश आले तरीही आपण आपले प्रयत्न थांबवायचे नाहीत, असं म्हणतात. असंच अपयश राहुल राय यांनेदेखील आले होते. ते IIT ड्रॉप आउट होते. तरीही त्यांनी प्रयत्न थांबवले नाहीत. त्यांनी अवघ्या पाच महिन्यात २८६ कोटी रुपयांची कंपनी उभारली आहे.

राहुल राय यांनी IIT मधून इंजिनियरिंग करण्याचा निर्णय घेतला. इंजिनियरिंगमध्ये त्यांचे मन लागत नव्हते. त्यामुळे त्यांनी दुसरं काहीतरी करण्याचा निर्णय घेतला. त्यांनी इंजिनियरिंगचे शिक्षण अर्धवट सोडले आणि अमेरिकेत जाऊन उच्च शिक्षण घेण्याचा निर्णय घेतला.

त्यांनी २०१५ मध्ये अमेरिकेत बॅचलर ऑफ सायन्स इन इकोनॉमिक्स करण्याचा निर्णय घेतला. हा निर्णय त्यांच्या आयुष्यातील टर्निंग पॉइंट ठरला.राहुल राय यांनी २०१९ मध्ये मॉग्रन स्टेनलीमध्ये करिअरची सुरुवात केली. (Rahul Rai Successful Businessman)

राहुल राय या कंपनीत अॅनालिस्ट म्हणून काम करायचे. एका वर्षानंतर त्यांनी ही नोकरी सोडली अन् भारतात परतले. २०२० मध्ये भारतात परतल्यानंतर त्यांनी नवीन काहीतरी सुरु करण्याचा निर्णय घेतला. तेव्हा देशात क्रिप्टोकरन्सीचा ट्रेंड खूप वाढत होता. लोक डिजिटल संपत्ती आणि ब्लॉकचेन टेक्नोलॉजीमध्ये जास्त लक्ष देत होते. त्यामुळे त्यांनी या क्षेत्रात खूप रिसर्च केले.

२०२१ मध्ये राहुलने ईश अग्रवाल आणि सनत राव यांच्यासोबत गामा पॉइंट कॅपिटलची सुरुवात केली. ही एक क्रिप्टो हेड फंड आहे. जे डिजिटल संपत्तीत गुंतवणूक करतात. गामा पॉइंट या कंपनीने क्रिप्टो मार्केटमध्ये आपल्या स्वतः ची ओळख निर्माण केली होती. (Success Story Of Rahul Rai)

राहुल राय आणि त्यांच्या टीमच्या मेहनतीमुळे गामा पॉइंट कॅपिटल कंपनी क्रिप्टो क्षेत्रात हे खूप मोठी झाली. २०२१ मध्ये ब्लॉकटॉवर कॅपिटल कंपनीने या कंपनीला २८६ कोटी रुपयांचा खरेदी केले. राहुल रॉयने क्रिप्टो करन्सी क्षेत्रात स्वतः ची वेगळी ओळख निर्माण केली आहे. खूप कमी वयात त्यांनी खूप मोठी कामगिरी केली आहे. (Success Story News)