साहसी बाइक राइड अनुभवण्यासाठी रॉयल एन्फिल्ड कंपनी ओळखली जाते. कंपनी नेहमीच बाइक चालवणाऱ्यांना चांगला अनुभव देण्यासाठी नवनवी बाईक लाँच करत असते. कंपनी लवकरच आपली रॉयल एनफिल्ड क्लासिक 350 बाईक लाँच करणार आहे. ही बाईक चाचणीदरम्यान स्पॉट झाली आहे. (Latest News)
या बाईकमध्ये अनेक नवीन फीचर्स देण्यात आले आहेत. या नवीन बाइकची किंमत जवळपास २ लाख रुपये असण्याची शक्यता आहे. बाईकमध्ये लांब हँडलबार आणि फ्लोटिंग रीअर सीट असू शकते. यातील मागील सीट सहज काढण्याजोगे (Removal Unit) असू शकते. या नवीन बाईकमध्ये विंटेज व्हाईट वॉल व्हिल्स, बाईकच्या उजव्या बाजूला हार्ड पॅनियर माउंट आणि इंजिन गार्ड हे फीचर्स असण्याची शक्यता आहे. रॉयल एनफिल्डकडून अतिरिक्त किंमतीत क्रॅश गार्ड देण्याची शक्यता आहे.
इंजिन (Engine)
रॉयल एनफिल्ड क्लासिक 350 (Royal Enfield Classic 350)मध्ये हंटर , मेटिअर आणि बुलेट सारखीच J सीरीज, 349cc सिंगल सिलेंडर मोटर वापरण्यात येणार आहे. हे इंजिन 5-स्पीड गिअरबॉक्ससह येणार आहे. जे 20.2bhp पॉवर आणि 27Nm टॉर्क जनरेट करते.
कंपनीच्या या नवीन कारच्या हार्डवेअरमध्ये टेलिस्कोपिक फ्रंट फोर्क्स, ड्युअल रिअर शॉक, दोन्ही टोकांना डिस्क ब्रेक आणि रोड-बायस्ड टायर्ससह स्पोक व्हील देण्यात आले आहे. ही बाइक या वर्षात लाँच होण्याची शक्यता आहे.
Edited By-Siddhi Hande
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.