Post Office Scheme: पोस्टाची सुपरहिट योजना, दर महिन्याला मिळणार २०, ५०० रुपये

Post Office Senior Citizen Scheme:

प्रत्येकजण आपले भविष्य आर्थिकदृष्ट्या सुरक्षित व्हावे यासाठी वेगवेगळ्या ठिकाणी गुंतवणूक करतात. निवृत्तीनंतर महिन्याला नियमित वेतन मिळण्याची अनेकांना चिंता असते. यासाठी पोस्ट ऑफिसमध्ये ज्येष्ठ नागरिकांसाठी पोस्ट ऑफिस सिनियर सिटीझन स्कीम राबवण्यात आली आहे. या योजनेत तुम्ही निवृत्तीनंतरचे पैसे गुंतवू शकतात.

पोस्ट ऑफिस सिनियर सिटीझन स्किममध्ये पैसे गुंतवल्यास तुम्हाला वर्षाला सुमारे २,४६,००० रुपये व्याज मिळेल. म्हणजेच तुम्हाला महिन्याला २०,५०० रुपये मिळतील. (Latest News)

पोस्ट ऑफिस सिनियर सिटीझन स्कीममध्ये तुम्ही किमान १००० रुपयांची गुंतवणूक करु शकता. गुंतवणूकदार या योजनेत जास्तीत जास्त ३० लाख रुपयांची गुंतवणूक करु सकतात. या योजनेत तुम्हाला 80C अंतर्गत सूट मिळेल. परंतु व्याजावर एका मर्यादेनंतर कर भरावा लागेल. सरकार या योजनेत ८.२ टक्के व्याज देत आहे.

पोस्ट ऑफिसची ही योजना ६० वयाच्या लोकांसाठी राबवण्यात आली आहे. जेणेकरुन सेवानिवृत्तीनंतर त्यांना नियमित उत्पन्न मिळेल. या योजनेत जर ५ लाख रुपये जमा केले तर तुम्हाला प्रत्येक तिमाहीत १०,२५० रुपये मिळू शकतात. जर तुम्ही जास्तीत जास्त ३० लाख रुपये जमा केले तर तुम्हाला वर्षाला २,४६,००० रुपये व्याज मिळेल.

पोस्ट ऑफिस सिनियर सिटीझन स्कीम ही सरकारकडून राबवण्यात आलेली बचत योजना आहे. आयकर कलम 80C अंतर्गत या योजनेतील गुंतवणूकदारांना दरवर्षी १.५ लाख रुपयांपर्यंत कर सूट आहे. या योजनेत तीन महिन्यांनी व्याजाचे पैसे मिळतात.