रिझर्व्ह बँक ऑफ इंडियावने लाँच केले नवीन टूल
आता कार, स्मार्टवॉचद्वारे करता येणार UPI पेमेंट
डिजिटल पेमेंट आणखी जलद आणि सुरक्षित होण्याच्या दृष्टीने निर्णय
रिझर्व्ह बँक ऑफ इंडियाने डिजिटल पेमेंटसाठी एक मोठे पाऊल उचलले आहे. आरबीआयने ग्लोबल फिनटेक फेस्टिव्हलमध्ये चार नवीन डिजिटल टूल लाँच केले आहे. यामुळे ऑनलाइन पेमेंट अजून स्मार्ट आणि जलद होणार आहे.
आरबीआयच्या या टूलमुळे ग्राहकांना खूप फायदा होणार आहे. या टूल्समुळे आता अवघ्या काही सेकंदात तुम्ही पेमेंट करु शकणार आहात. याचसोबत तुमची जर काही तक्रार असेल तर ती पण नोंदवू शकतात. तुम्ही स्मार्टवॉच, कारमधूनदेखील यूपीआय पेमेंट करु शकतात. यामुळे डिजिटल पेमेंट आणखी सोपे होणार आहे.
AI-Based UPI HELP
हे नवीन टूल एआयला सपोर्ट करणार आहे. यामध्ये तुमच्या यूपीआय ट्रान्झॅक्शनच्या तक्रारी किंवा त्या मॅनेजर करण्यासाठी एआय मदत करणार आहे. यासाठी आरबीआयने स्वतः ची टीम तयार केली आहे. सध्या ही सुविधा इंग्रजीत आहे. येत्या काही दिवसांत स्थानिक भाषांमध्येही ही सुविधा सुरु होईल. या प्लॅटफॉर्मवरुन तुम्ही तुमच्या ट्रान्झॅक्शनची स्थिती चेक करु शकतात.
कारमधून करता येणार पेमेंट
आता तुम्हाला पेट्रोल भरण्यासाठी पेमेंट करताना मोबाईल काढण्याची गरज नाही. IoT Payments म्हणजे इंटरनेट ऑथ थिंग्स आधारित पेमेंट सिस्टीममुळे यूजर्स थेट कनेक्टेड कार, स्मार्टवॉच, स्मार्ट टीव्हीद्वारे पेमेंट करु शकतात.
बँकिंग कनेक्ट
बँकिंग कनेक्ट ही सुविधा NPCI Bharat BillPay Limited (NBBL) ने सुरु केली आहे. यामुळे तुमची डिजिटल बँकिंग सुविधा अधिक सोपी आणि जलद होणार आहे.
UPI Reserve Pay
आता तुम्हाला ई कॉमर्स शॉपिंग, फूड ऑर्डर किंवा कॅब बुक करताना नेहमी ओटीपी देण्याची गरज भासणार नाही. यासाठी UPI Reserve Pay सुविधा सुरु केली आहे. यामुळे तुम्हालाच फायदा होणार आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.