NEET UG Exam: विद्यार्थ्यांसाठी महत्त्वाची बातमी! NEET UG परिक्षांची तारीख जाहीर होणार; रजिस्ट्रेशन कसं करावं? जाणून घ्या

विद्यार्थ्यांसाठी महत्त्वाची बातमी आहे. नीट २०२५ च्या परिक्षेबाबत मोठी अपडेट समोर आली आहे. नॅशनल टेस्टिंग एजन्सी लवकरच नीट परिक्षेची तारीख जाहीर करणार आहे. दरवर्षी मे महिन्यात नीट परीक्षा घेतली जाते. मागच्या वर्षी नीट परिक्षेचं संपूर्ण शेड्युल सप्टेंबर महिन्यात जाहीर करण्यात आले होते. परंतु यावर्षी नीट परिक्षेची तारीख जाहीर होण्यास उशीर झाला आहे. त्यामुळे विद्यार्थी नीटच्या परीक्षेच्या वेळापत्रकाची वाट पाहत आहेत. (Neet Ug Exam 2025)

मेडिकल क्षेत्रात प्रवेश घेण्यासाठी इच्छुक विद्यार्थ्यांना नीट परीक्षा द्यावी लागते. नीट ही देशातील सर्वात अवघड परिक्षांपैकी एक आहे. या परिक्षेसाठी देशभरातून लाखो विद्यार्थी बसतात. ज्या विद्यार्थ्यांना एमबीबीएस व्हायचे असते. त्यांना ही प्रवेश परीक्षा द्यावीच लागते.

नीटच्या गुणांच्या आधारे विद्यार्थ्यांना मेडिकल कॉलेजमध्ये प्रवेश मिळतो. ही परीक्षा ७२० गुणांची असते. ही परीक्षा मे महिन्यात होते.नीट २०२५ परिक्षेची तारीख अजून जाहीर झाली नाही परंतु विद्यार्थ्यांचे याकडे लक्ष लागले आहे. (NEET Exam Dates 2025)

नीट परीक्षा अर्जप्रक्रिया (NEET Application Process)

नीट परिक्षेसाठी विद्यार्थ्यांनी nta.ac.in. या वेबसाइटवर जाऊन रजिस्ट्रेशन करायचे आहे.

तुम्हाला तुमचा मोबाईल नंबर आणि अधिकृत मेल आयडीवरुन रजिस्ट्रशन करायचे आहे. त्यानंतर आवश्यक माहिती भरुन तुम्हाला फी भरायची आहे. त्यानंतर परिक्षेची तारीख जाहीर झाल्यानंतर तुम्हाला नोटिफेकशन येईल.

आवश्यक कागदपत्रे

पासपोर्ट साइज फोटो

सर्टिफिकेट

सहीचा स्कॅन फोटो

जन्मदाखला

आधार कार्ज, पॅन कार्ड, ड्रायव्हिंग लायसन्स ही कागदपत्रे आवश्यक आहेत.