LIC Saral Pension Yojana: LIC ची भन्नाट योजना! निवृत्तीनंतर महिन्याला १२,००० रुपयांची पेन्शन; जाणून घ्या सविस्तर

प्रत्येकजण निवृत्तीनंतर आपले आयुष्य सुखकर व्हावे, आर्थिकदृष्ट्या कोणतीही अडचण येऊ नये, यासाठी वेगवेगळ्या योजनांमध्ये गुंतवणूक करतात. सरकारी योजना, पोस्ट ऑफिस आणि एलआयसीच्या अनेक योजनांमध्ये गुंतवणूक करु शकतात. एलआयसीच्या सरल पेन्शन प्लानअंतर्गत तुम्हाला सेवानिवृत्तीनंतर दर महिन्याला ठरावीक रक्कम मिळते. (LIC Saral pension Yojana)

एलआयसी सरल पेन्शन योजनेअंतर्गत (LIC Saral Pension Plan)तुम्हाला फक्त एकदा गुंतवणूक करायची असते. त्यानंतर निवृत्तीच्या वयानंतर तुम्हाला दर महिन्याला ठरावीक पेन्शन मिळते. जर एखाद्या व्यक्तीने आपल्या पीएफ फंडातील किंवा ग्रॅच्युटीचीचे पैसे या योजनेत गुंतवल्यावर तुम्हाला चांगला परतावा मिळतो.

या योजनेत ४० ते ८० वयोगटातील उमेदवार अर्ज करु शकतात. या योजनेत तुम्हाला १००० रुपयांची अॅन्युटी घ्यावी लागणार आहे. ही रक्कम तीन महिन्यांनी ३००० रुपये होईल. तर एका वर्षांनी १२००० रुपयांची अॅन्युटी घ्यावी लागणार आहे.

या योजनेत तुम्हाला वर्षाला कमीत कमी १२००० रुपयांची अॅन्युटी खरेदी करु शकतात. या योजनेत तुम्हीही जास्तीत जास्ती कितीही रुपयांची गुंतवणूक करु शकतात. या योजनेत तुम्ही जेवढी जास्त रक्कम गुंतवणार तेवढी जास्त पेन्शन तुम्हाला मिळणार आहे.

जर ४२ वर्षीय व्यक्तीने या योजनेत ३० लाख रुपयांची गुंतवणूक केली तर त्याला आयुष्यभर १२,३८८ रुपयांची पेन्शन मिळणार आहे. त्यामुळे तुमच्या भविष्यासाठी ही उत्तम योजना आहे.