Ladli Behna Yojana: लाडक्या बहिणींचा हप्ता वाढवणार! १५०० नाही तर ₹३००० मिळणार; सरकार मोठा निर्णय घेण्याच्या तयारीत

केंद्र सरकारने महिलांसाठी अनेक योजना राबवल्या आहेत. केंद्र सरकारनंतर अनेक राज्य सरकारनेदेखील महिलांसाठी काही योजना राबवल्या आहे. मध्य प्रदेश सरकारने महिलांसाठी लाडली बहना योजना राबवली आहे. या योजनेचा हप्ता पुन्हा एकदा वाढवला जाण्याची शक्यता वर्तवली जात आहे. या योजनेचा हप्ता १२५० वरुन १५०० रुपये करण्यात आला होता. त्यानंतर आता हा हप्ता अजून वाढवला जाण्याची शक्यता आहे.

मिळालेल्या माहितीनुसार, मोहन यादव सरकार लाडली बहना योजनेचा हप्ता ३००० रुपये करण्याच्या तयारीत आहे.येणाऱ्या तीन वर्षात निवडणुका जाहीर होणार आहेत. त्याच पार्श्वभूमीवर सरकार हा मोठा निर्णय घेऊ शकतो. मागच्या वेळीदेखील विधानसभा निवडणुकीपूर्वी सरकाने मुख्यमंत्री महिला रोजगार योजना राबवली होती. त्यानंतर आता पुढच्या निवडणूकीपूर्वी हप्ता वाढवला जाण्याची शक्यता आहे.

२०२८ पर्यंत ३००० रुपये मिळणार

मिळालेल्या माहितीनुसार, २०२७ मध्ये होणाऱ्या निवडणुकीपूर्वी महिलांना मिळणाऱ्या हप्त्यात वाढ केली जाऊ शकते. मुख्यमंत्री मोहन यादव यांनी सांगितले होते की, टप्प्याटप्प्याने पैसे वाढवले जातील. या हिशोबाने २०२६ मध्ये ५०० रुपये वाढवून दिले जाऊ शकतात. २०२७ मध्ये अजून पैसे वाढवून दिले जाऊ शकतात. अशा प्रकारे २०२८ मध्ये विधानसभा निवडणुकीपूर्वी महिलांना ३००० रुपये मिळू शकतात.

दरम्यान, आता मध्य प्रदेश सरकार ६० वर्षांपेक्षा जास्त वयोगटातील महिलांसाठी नवीन योजना सुरु करु शकते. यामध्ये ६० वर्षांपेक्षा जास्त वयोगटातील महिला लाभ घेऊ शकतात. दरम्यान, अजून याबाबत अधिकृत माहिती समोर आलेली नाही.