Ladki Bahin Yojana: लाडक्या बहि‍णींना नोव्हेंबरचे ₹१५०० कधी येणार? संभाव्य तारीख आली समोर

मुख्यमंत्री माझी लाडकी बहीण योजनेत महिलांना दर महिन्याला १५०० रुपये मिळतात. ऑक्टोबरपर्यंतचे सर्व हप्ते महिलांच्या खात्यात जमा झाले आहेत. महिला आता नोव्हेंबर आणि डिसेंबरच्या हप्त्याची वाट पाहत आहेत. नोव्हेंबर महिना संपून गेला तरीही अजून महिलांना पैसे दिले नाहीत. त्यामुळे गेल्या महिन्याचे पैसे कधी येणार असा प्रश्न विचारला जात आहे.याबाबत अधिकृत माहिती लवकरच दिली जाईल.

नोव्हेंबरचा हप्ता कधी येणार? (Ladki Bahin Yojana November Installment Update)

लाडकी बहीण योजनेत नोव्हेंबर महिन्याच्या हप्त्याची वाट पाहत आहेत. नोव्हेंबर महिन्याच्या हप्त्याची घोषणा येत्या आठवड्यात होऊ शकते. नगरपरिषद निवडणुकीच्या मतमोजणीपूर्वी महिलांच्या खात्यात पैसे जमा होतील. त्यामुळे महिलांना कधीही खुशखबर मिळू शकते.

नोव्हेंबर-डिसेंबरचा एकत्र येणार? (Ladki Bahin Yojana November-December Installment May Come Together)

लाडकी बहीण योजनेत नोव्हेंबर-डिसेंबरचा हप्ता एकत्र येण्याची शक्यता वर्तवली जात आहे. परंतु अद्याप कोणतीही अधिकृत माहिती समोर आलेली नाही. कदाचित महिलांना निवडणुकीआधी नोव्हेंबरचा हप्ता देतील. यानंतर डिसेंबरचा हप्ता शेवटच्या हप्त्यात दिला जाऊ शकतो. त्यामुळे महिलांच्या मनात खूप संभ्रम निर्माण झाला आहे. मागच्या वर्षी विधानसभा निवडणूकीपूर्वी महिलांना दोन महिन्याचे पैसे एकत्र दिले होते. त्यामुळे यावेळीदेखील असंच काही होणार का हे पाहणे महत्त्वाचे ठरणार आहे.

लाडक्या बहि‍णींना केवायसी अनिवार्य

लाडकी बहीण योजनेत महिलांना केवायसी करणे गरजेचे आहे. यासाठी ३१ डिसेंबरपर्यंत केवायसी करायचे आहे. जर तुम्ही केवायसी केले नाही तर तुम्हाला पुढच्या महिन्यापासून तुम्हाला पैसे मिळणार नाहीत. अजूनपर्यंत लाखो महिलांची केवायसी बाकी आहे. त्यामुळेच मुदतवाढ करण्यात आली आहे.