IBPS Jobs : सरकारी नोकरीची संधी, तब्बल १० हजार जागांसाठी मेगाभरती! पगार वाचून थक्क व्हाल!

बँकिंग क्षेत्रात सरकारी नोकरीच्या प्रतीक्षेत असलेल्या हजारो तरुणांसाठी आनंदाची बातमी आहे. इन्स्टिट्यूट ऑफ बँकिंग पर्सनल सिलेक्शन (IBPS) ने क्लर्क पदासाठी १०,२७७ जागांसाठी भरतीची अधिसूचना जारी केली आहे. ही भरती देशभरातील विविध सार्वजनिक क्षेत्रातील बँकांमध्ये कस्टमर सर्व्हिस असोशिएट (Clerk) पदासाठी होणार असून, अर्ज प्रक्रिया अधिकृत वेबसाइट www.ibps.in वर सुरू झाली आहे.

आयबीपीएस क्लर्क भरती २०२५ ही परीक्षा दोन टप्प्यांत म्हणजे प्रिलिम्स आणि मेन्स अशाप्रकारे घेतली जाणार आहे. इच्छुक उमेदवार २१ ऑगस्ट २०२५ पर्यंत अर्ज करू शकतात. अर्ज करण्यासाठी उमेदवार मान्यताप्राप्त संस्थेचा पदवीधर असणे आवश्यक असून वयोमर्यादा २० ते २८ वर्षे अशी ठेवण्यात आली आहे. म्हणजेच, अर्ज करणाऱ्या उमेदवाराचा जन्म २ ऑगस्ट १९९७ ते १ ऑगस्ट २००५ दरम्यान झालेला असावा.

या भरती प्रक्रियेद्वारे सर्वाधिक पदे उत्तर प्रदेश, महाराष्ट्र, कर्नाटक आणि गुजरात राज्यांमध्ये आहेत. आयबीपीएस क्लर्क ही बँकिंग क्षेत्रातील एक प्रतिष्ठित नोकरी मानली जाते. दरवर्षी लाखो उमेदवार या परीक्षेसाठी अर्ज करतात आणि त्यात स्थान मिळवण्यासाठी मोठ्या प्रमाणावर तयारीही करतात. निवड झालेल्या उमेदवारांना २४,०५० ते ६४,४८० रुपयांपर्यंत वेतन दिले जाणार असून, त्यासोबत DA, HRA, TA यांसारखे इतर भत्तेही मिळतील. या परीक्षेत उत्तीर्ण होण्यासाठी तयारी करणाऱ्या विद्यार्थ्यांनी वेळ न घालवता अर्ज करण्याची हीच योग्य वेळ आहे.

अर्ज भरण्याची प्रक्रिया कशी आहे ?

1. आयबीपीएस लिपिक भरती २०२५ फॉर्म भरण्यासाठी अधिकृत वेबसाइट ibps.in ला भेट द्या.

2. मूलभूत माहिती भरून नोंदणी करा.

3. नोंदणी क्रमांक आणि पासवर्ड वापरून लॉगिन करा.

4. फोटो आणि स्वाक्षरी अपलोड करा आणि तेथे विचारलेले इतर तपशील भरा.

5. फॉर्म पाहिल्यानंतर, अर्ज शुल्क भरा.

आयबीपीएस क्लार्क भरती २०२५ ही केवळ नोकरीची संधी नसून बँकिंग क्षेत्रात स्थिर आणि सन्माननीय करिअर घडवण्याचा एक मजबूत पर्याय आहे. विशेषतः पदवीधर तरुणांसाठी ही भरती एक मोठा टप्पा ठरू शकतो.