Online driving license: ड्रायव्हिंग लायसन्सची वैधता संपली? ऑनलाइनद्वारे मिनिटात होईल काम, पण कसं?

भारतात वाहतूक नियमांचे पालन करणे खूप महत्वाचे आहे. वाहतूक नियमांचे उल्लंघन झाल्यास मोठा दंड भरावा लागू शकतो. जर आपण वाहनधारक असाल तर, सोबत ड्रायव्हिंग असणं अत्यंत गरजेचं आहे. जर ड्रायव्हिंग लायसन्स नसेल तर, आपल्याला दंड भरावा लागतो. जर आपलं ड्रायव्हिंग लायसन्स एक्सपायर झालं असेल तर, या पद्धतीने आपण रिन्यू करू शकता. आपण ऑनलाइन पद्धतीनं देखील लायसन्स रिन्यू करू शकता.

ड्रायव्हिंग लायसन्स रिन्यूव्हल करणं गरजेचं आहे

अनेक लोक त्यांच्या ड्रायव्हिंग लायसन्सची वैधता संपल्यानंतर रिन्यू करत नाही. वेळेवर लायसन्स रिन्यू न केल्यास ड्रायव्हिंग लायसन्स रद्द होऊ शकते.

भारतातील सर्व ड्रायव्हिंग लायसन्स फक्त एका निश्चित कालावधीसाठी वैध असतात आणि जेव्हा त्याची वैधता संपते तेव्हा सरकार तुम्हाला ३० दिवसांचा वाढीव कालावधी देते. जर तुम्ही या वेळेत नूतनीकरण केले नाही तर तुम्हाला अतिरिक्त शुल्क भरावे लागेल.

फी किती आहे?

जर आपण वेळेत ड्रायव्हिंग लायसन्स रिन्यू करण्यासाठी अर्ज कराल तर, आपल्याला फक्त ४०० रुपये भरावे लागतील. जर एक्सपायरी होऊन १ महिन्याच्या आत रिन्यू केलं तर, हे शुल्क १,००० रुपयांवरून १,५०० रुपयांपर्यंत वाढू शकते.

ऑनलाइन डीएल कसे रिन्यू करायचे?

ड्रायव्हिंग लायसन्स रिन्यू करण्यासाठी, परिवहन विभागाच्या अधिकृत वेबसाइटला भेट द्यावी लागेल. येथे ऑनलाइन अर्ज करण्याची सुविधा दिली आहे, ज्याद्वारे तुम्ही सहजपणे डीएल रिन्यू करू शकता.