Gold Silver Price Hike : सोन्याचा भाव वाढला, चांदीच्या किंमती घसरल्या; वाचा मुंबई-पुण्यातील दर

वटपौर्णिमेचा सण जवळ येत आहे. अशात वटपौर्णिमेनिमित्त प्रत्येक व्याक्ती आपल्या पत्नीला काही ना काही गिफ्ट देण्याचा विचार करतो. काही जण पत्नीसाठी दागिने देखील खरेदी करतात. आता तुम्हाला देखील पत्नीसाठी दागिने बनवायचे असतील आणि बजेट कमी असेल तर आज तुम्ही चांदीचा एखादा दागिना पत्नीला देऊ शकता. सोने-चांदीच्या दरात सातत्याने चढ-उतार होताना दिसत आहे. अशात आजच्या किंमती काय आहेत ते पाहू.

आज सोन्याच्या किंमती वाढल्यात तर चांदीचे दर कोसळले आहेत. चांदीच्या किंमती काल वाढल्या होत्या आणि काल सोनं स्वस्त झालं होतं. मात्र आत उलट बाजार फिरला आहे. आज चांदी प्रति किलो १०० रुपयांनी कमी झाली आहे. त्यानुसार आज विविध शहरांमध्ये सोने-चांदीच्या किंमती काय आहेत ते जाणून घेऊ.

सोन्याच्या वाढलेला भाव

बुधवारी १०० ग्राम सोन्याची किंमत १०० रुपयांनी कमी झाली असून ६,६०,१०० रुपये इतका भाव आहे. १० ग्राम सोनं म्हणजेच एक तोळा सोन्याचा भाव देखील १० रुपयांनी कमी झाला असून ६६,०१० रुपयांनी सोनं विकलं जात आहे. ८ ग्राम सोन्याचा भाव ५२,८०८ रुपये तर एक ग्राम सोन्याचा भाव ६,६०१ रुपये इतका आहे.

२४ कॅरेट सोन्याचा भाव किती?

२४ कॅरेट १०० ग्राम सोन्याचा भाव ७,२०,००० रुपये आहे.

१० ग्राम सोन्याचा भाव ७२.००० रुपये आहे.

८ ग्राम सोन्याचा भाव ५७.६०० रुपये आहे.

तर १ ग्राम सोन्याचा भाव ७,२०० रुपये इतका आहे.

मुंबई आणि पुण्यातील भाव

मुंबईत २२ कॅरेट सोनं ६,६५८६ रुपये, २४ कॅरेट सोनं ७,१८५ रुपये आणि १८ कॅरेट ५,३८९ रुपये प्रति ग्रामचा भाव आहे.

पुण्यात २२ कॅरेट सोनं ६,६५८६ रुपये, २४ कॅरेट सोनं ७,१८५ रुपये आणि १८ कॅरेट ५,३८९ रुपये प्रति ग्रामचा भाव आहे.

चांदीचा भाव

चांदीचा भाव १०० रुपये प्रति किलोमागे घसरला आहे. त्यामुळे १ किलो चांदीचा भाव ९०,४०० रुपये आहे. तर १०० ग्राम चांदीचा भाव ९,०४० रुपये, १० ग्राम चांदी ९०४ रुपये असा अजचा भाव आहे.