DA News: निवृत्त कर्मचाऱ्यांना महागाई भत्ता मिळणार नाही? जाणून घ्या व्हायरल मेसेजमागचं सत्य

निवृत्त झालेल्या कर्मचाऱ्यांना आता डीए मिळणार नाही असा दावा करणारा मेसेज व्हायरल होतोय...यामुळे निवृत्त कर्मचाऱ्यांमध्ये संभ्रम निर्माण झालाय.असा अचानक का निर्णय घेण्यात आलाय...खरंच या दाव्यात तथ्य आहे का.? कारण, देशभरात लाखो निवृत्त कर्मचाऱ्यांना डीए, पेन्शन सरकारी सेवा मिळतात.त्यामुळे आम्ही याची पडताळणी सुरू केली...त्याआधी मेसेजमध्ये काय दावा केलाय पाहुयात...

निवृत्त कर्मचाऱ्यांना डीए मिळणार नाही? काय आहे व्हायरल मेसेजमागचं सत्य?

केंद्र सरकारने वित्त कायदा 2025 अंतर्गत निवृत्त सरकारी कर्मचाऱ्यांसाठी डीए वाढ आणि वेतन आयोग सुधारणा यांसारखे निवृत्तीनंतरचे फायदे बंद करण्याचा निर्णय घेतलाय.

हा मेसेज व्हायरल झाल्याने आम्ही याची पडताळणी सुरू केली...डीए म्हणजे महागाई भत्ता...यासंदर्भात माहिती सरकारकडून मिळू शकते...त्यामुळे आमच्या टीमने या मेसेजची पडताळणी करण्यासाठी सरकारकडून माहिती मिळवण्याचा प्रयत्न केला...यावेळी आम्हाला काही माहिती हाती लागली...त्यावेळी काय सत्य समोर आलं पाहुयात...

निवृत्त सरकारी कर्मचाऱ्यांसाठी डीए सुरूच राहणार

मात्र, सगळ्यांच निवृत्त कर्मचाऱ्यांना डीए मिळणार नाही असा दावा आमच्या पडताळणीत असत्य ठरलाय...सीसीएस पेन्शन कायदा 2021 मधील नियम 37 मध्ये सुधारणा करण्यात आल्याय...त्यानुसार कर्मचाऱ्याला गैरवर्तनासाठी काढून टाकले असल्यास निवृत्तीवेतनाचे लाभ मिळणार नाहीत...त्यामुळे सर्व सेवानिवृत्त सरकारी कर्मचाऱ्यांवर याचा परिणाम होत नाही...

सोशल मीडियावर रोज असे अनेक मेसेज व्हायरल होत असतात. मात्र, यातील अनेक मेसेज हे फसवणूक करणारे आहेत. त्यात काहीही तथ्य नसते. त्यामुळे नागरिकांनी या अशा मेसेजवर लक्ष ठेवू नये.आधी त्यांनी फक्त अधिकृत माहितीवरच विश्वास ठेवावा, असं सांगितलं जात आहे.