World Cup Viral Song Video

भारतीय संघ हा वर्ल्डकप २०२३ स्पर्धेच्या अंतिम सामन्यासाठी सज्ज झाला आहे. हा सामना १९ नोव्हेंबर रोजी भारत आणि ऑस्ट्रेलिया या दोन्ही संघांमध्ये रंगणार आहे. आयसीसी वनडे वर्ल्डकप स्पर्धेच्या अंतिम सामन्याची सर्वांनाच प्रतिक्षा आहे. भारतीय संघातील खेळाडू सध्या तुफान फॉर्ममध्ये आहेत. अशातच काही तरुणांनी भारतीय संघाच्या विजयासाठी खास गाणं तयार केलं आहे. या गाण्याचा व्हिडीओ सोशल मीडियावर तूफान व्हायरल होत आहे. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

भारताच्या उपांत्यफेरीच्या दिवशीही एकत्र जमलेल्या क्रिक्रेट प्रेमींनी टीव्हीवर एकत्रित सामना पाहण्याचा आनंद घेतला. तसंच रविवारचा अंतिम सामना पाहण्यासाठी काही ठिकाणी लाइव्ह स्क्रिनिंग केलं जाणार आहे. काही मुंबईकरांनी जवळच्या रिसॉटवर तसंच स्पोर्टस् बार, पब, मॉलमध्ये जाऊन अंतिम सामना पाहण्याची योजना आखली आहे.

व्हायरल होत असलेल्या व्हिडीओत तूम्ही पाहू शकता की, काही तरुण एका बेडवर बसलेले आहेत. या तरुणांनी मस्त असे रंगीबेरंगी कुर्ता पायजामा परिधान केले आहेत. हे खालस गाणं भारतीय संघातील खेळाडू विराट कोहली, रोहित शर्मा, मोहम्मद शमी, जसप्रीत बुमराह आणि संघातील इतर खेळाडूंसाठी बनवण्यात आलं आहे. हे गाणं ऐकल्यानंतर तुम्ही पुन्हा पुन्हा ऐकल्याशिवाय राहणार नाही

हा व्हिडीओ @wajahathasan या इन्टांग्राम अकाउंटवर पोस्ट करण्यात आला आहे. व्हायरल होत असलेल्या व्हिडीओ मोठ्या प्रमाणात शेअर केला जात आहे. तसंच मोठ्या प्रमाणात प्रतिक्रीयाही येत आहेत. नेटकऱ्यांनी कमेंट्समध्ये भारतीय संघाला रविवारच्या सामन्यासाठी शुभेच्छा दिल्यात. व्हिडीओ पोस्ट होताच व्हिडीओला हजारोंच्या घरात व्हूज आणि लाईक्स् मिळालेय.