मेट्रो ट्रेन आणि येथील अतरंगी गोष्टींचे व्हिडिओ नेहमीच सोशल मीडियावर व्हायरल होत असतात. मेट्रो ट्रेनमध्ये कधी कपल्सचा रोमान्स पाहायला मिळतो तर कधी अतरंगी भन्नाट रील्स व्हिडिओ बनवताना पाहायला मिळतात. रिल व्हिडिओ बनवण्याच्या नादात कोण काय करेल काहीच सांगता येत नाही. अशात आता देखील एका महिलेचा डान्स व्हिडिओ सोशल मीडियावर व्हायरल होत आहे.

ही माहीला मेट्रो ट्रेनमध्ये उभी आहे. सुरुवातीला म्युजीक सुरू होते आणि नंतर बिल्लो राणी गाणं वाजतं. या गाण्यातील एका कडव्यावर महिलेने डान्स केला आहे. यावेळी तिने वार्ली पेंटमधील सिल्क साडी परिधान केली आहे. या साडीवर सुंदर नक्षीकाम देखील केलं आहे. सुंदर साडीत ही महिला चेहऱ्यावर सुंदर हावभाव दाखवत डान्स स्टेप्स करत आहे.

व्हिडिओमध्ये तुम्ही पाहू शकता की, या महिलेचा डान्स सुरु असताना सर्व व्यक्ती तिच्याकडेच टकमक पाहत राहतात. सर्व जण आपल्याकडे पाहत आहेत या भावनेने अनेक व्यक्तींना लाज वाटते. मात्र इथे ही महिला सर्वांसमोर बिंधास्तपणे डान्स करत आहे. महिलेचा व्हिडिओ @swatisharma2543 या इंस्टाग्राम अकाउंटवर पोस्ट करण्यात आला आहे. आता हा व्हिडिओ तुफान व्हायरल होतोय.

नेटकऱ्यांनी या व्हिडिओवर कमेंट्सचा आणि हॉर्ट इमोजीचा वर्षाव केला आहे. काहींनी यात महिलेचं कौतुक केलं आहे. ती जराही न लाजता डान्स करत आहे हे फार कठीण काम आहे, असं एकाने कमेंटमध्ये कौतुक करत लिहिलं आहे. तर काहींनी महिलेवर टिकेचा वर्षाव केला आहे. तिच्या व्हिडिओवर अतरंगी कमेंट केल्या आहेत. मात्र ट्रोलर्सकडे दुर्लक्ष करत महिलेने आपले सर्व फोटो आणि या गाण्यावरील व्हिडिओ पोस्ट केले आहेत.

महिलांचा ट्रेनमध्ये गरबा

काही दिवसांपूर्वी महिलांनी ट्रेनमध्ये गरबा खेळला होता. ट्रेनमध्ये गरबा खेळतानाचा महिलांचा व्हिडिओ सुद्धा व्हायरल झाला होता. सध्या प्रत्येक महिला नोकरी करते. त्यामुळे कामाच्या व्यापात सण साजरे करण्यासाठी वेळ मिळत नाही. त्यामुळे या महिलांनी ट्रेनमध्येच आपला नवरात्रोत्सव साजरा केला. यावेळी त्यांनी साडी नेसून गरब्यावर ठेका धरला होता.