सोशल मीडियावर रोज अनेक व्हिडिओ व्हायरल होत असतात.त्यात अनेक व्यक्ती नेहमी काही न काही अतरंगी करताना दिसतात. कधीतरी एखादा जण जुगाड करतो तर कोणीतरी डान्सचे व्हिडिओ शेअर करतो. परंतु तुम्हील कधी जंगलातील सर्वात बलाढ्य प्राणी म्हणजेच वाघाला एखाद्या व्यक्तीसोबत स्विमिंग पूलमध्ये खेळताना पाहिलंय का? सोशल मीडियावर असाच एक व्हिडिओ प्रचंड व्हायरल होत आहे.

वाघाचे नाव जरी घेतलं तरी सर्वांना भीती वाटते. वाघाला पिंजऱ्यात जरी पाहिलं तरी अनेकांच्या अंगावर काटा येतो. जंगातील इतर प्राणीदेखील वाघाला घाबरतात. परंतु जर कोणी वाघासोबत खेळताना दिसलं तर? एक तरुणी वाघासोबत स्विमिंग पूलमध्ये खेळताना दिसत आहे. याचा व्हिडिओ सध्या सोशल मीडियावर प्रचंड व्हायरल होत आहे.

व्हायरल व्हिडिओत एक तरुणी स्विमिंग पूलमध्ये पोहताना दिसत आहे. फक्त तरुणीच नव्हे तर एक वाघदेखील तिच्यासोबत पोहताना दिसत आहे. या वाघाने तरुणीला मिठी मारल्याचे दिसत आहे. त्यानंतर तरुणी वाघासोबत पोझ देतानादेखील दिसत आहे. या फोटोवर तिने माझा टायगर फ्रेंड लक्ष्मण असे कॅप्शन दिले आहे.

rio_lilly या इन्स्टाग्राम अकाउंटवरुन हा व्हिडिओ शेअर करण्यात आला आहे. या व्हिडिओवर नेटकऱ्यांनी लाईक्स आणि कमेंट्सचा वर्षाव केला आहे. 'बापरे! वाघासोबत फोटोशूट', 'फोटोशूटच्या नादात वाघ खाऊन टाकेल तुला' अशा कमेंट्स या व्हिडिओवर आल्या आहेत.