Odisha Cricket Viral Video:

भारतात सर्वात जास्त क्रिकेट हा खेळ खेळला जातो. देशात अगदी गल्ली क्रिकेट ते आयपीएल अशा सर्व मॅच होतात. अगदी सामान्य व्यक्ती, कलाकार ते नेते मंडळी सर्वच क्रिकेट खेळतात. असाच ओडिशातील आमदार मोह भूपेंद्र सिंह यांना आवरला नाही. ते क्रिकेट खेळायला मैदानावर उतरले पण बॅट जोराने फिरवताना त्यांचा तोल गेला आणि खाली पडले. याचाच व्हिडिओ सध्या सोशल मीडियावर व्हायरल होत आहे. (Latest News)

ओडिशाच्या नार्ला मतदारसंघाचे आमदार भूपेंद्र सिंह हे कालाहांडी येथे एका क्रिडा कार्यक्रमाचे उद्घाटन करण्यासाठी गेले होते. त्यावेळी त्यांनी स्वतः बॅट हातात घेतली आणि खेळायला सुरुवात केली. तरुण मुलांचा उत्साह वाढवण्यासाठी त्यांनी बॅटिंग केली.

बॅटिंग करताना पहिल्याच बॉलला त्यांनी लांबचा शॉट मारण्याचा प्रयत्न केला. परंतु त्यांचा हा प्रयत्न फोल गेला आणि त्यांचा तोल गेला. भूपेंद्र सिंह जमिनीवर जोरात पडले. याचाच व्हिडिओ सोशल मीडियावर व्हायरल होत आहे.

व्हायरल व्हिडिओत भूपेंद्र सिंह यांचा खेळ पाहण्यासाठी खूप लोक उपस्थित असल्याचे दिसत आहे. सर्वजण खेळ पाहत असतात. भूपेंद्र सिंह शॉट मारतात आणि जोरात जमिनीवर पडतात. त्यावेळी आजूबाजूचे सर्व लोक त्यांना मदत करताना दिसत आहे.

मिळालेल्या माहितीनुसार, आमदार भूपेंद्र सिंह यांना गंभीर दुखापत झाली आहे. त्यांना रुग्णालयात दाखल करण्यात आले असल्याचे सांगण्यात आले आहे.