सध्या लग्नाचा सीझन सुरु झाला आहे. अनेकांना आपले लग्न सगळ्यात वेगळे असावे असे वाटते. त्यासाठी जोडीदार सरप्राईज देतात आणि काहीतरी युनिक गोष्टी करु पाहतात. काहीजण भर रसत्यात प्रपोज करतात, तर कोणी संपूर्ण हॉटेल बूक करतात. अशाच एका प्रियकारने आपल्या प्रेयसीला बॉलिवूडचा किंग खानच्या स्टाईलमध्ये प्रपोज केलं आहे. याचा व्हिडिओ सोशल मीडियावर व्हायरल होत आहे.
बॉलिवूडचा किंग खान हा रोमान्सचा बादशाह म्हणून ओळखला जातो. त्याच्यासारखं प्रेम करणार पार्टनर मिळावा अशी अनेकांची इच्छा असते. अनेकजण यासाठी प्रयत्न करतात. असाच एक प्रयत्न एका प्रियकराने केला आहे. एका प्रियकराने टाईम्स स्केअरच्या रस्त्यावर प्रेयसीला किंग खान स्टाईल प्रपोज केलं आहे. किंग खानच्या गाण्यावर नाचत प्रेयसीला लग्नाची मागणी घातली आहे.
बॉलिवूडचा 'रब ने बना दी जोडी' चित्रपटातील 'तुझ मे रब दिखता है' या गाण्यावर डान्स केला आहे. चित्रपटात जसे शाहरुख खानने काहीजणांच्या साहाय्याने अनुष्का शर्माचे पोस्टर तयार केलं होतं. तसंच या प्रियकराने प्रेयसीसाठी टाइम्स स्केअरवर पोस्टर तयार केलं होतं. त्यानंतर बॉलिवूडमधील अनेक गाण्यांवर ताल धरला होता. प्रियकराने मित्राच्या साहाय्याने हे अनोख प्रपोज केलं आहे. याचा व्हिडिओ सोशल मीडियावर प्रचंड व्हायरल होत आहे.
छवी आणि पवन असे या जोडप्याचे नाव आहे. या दोघांचे अनेक व्हिडिओ सोशल मीडियावर व्हायरल झाले आहेत. पवनने छवीला टाईम्स स्केअरवर आपले फोटो लावत माझ्याशी लग्न करशील का? असं विचारत हटके प्रपोज केलं आहे. त्याच्या या प्रपोजचं नेटकऱ्यांनी मात्र खूप कौतुक केलं आहे.
@chhaviverg या सोशल मीडिया प्लॅटफॉर्मवरुन हा व्हिडिओ शेअर करण्यात आला आहे. या प्रपोजनंतर पवनने छवीच्या हातात अंगठी घातली. अगदी स्वप्नवत प्रपोज केल्यासारखं वाटत असल्याचे छवीने आपल्या पोस्टमधून सांगितले आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.