Delhi Police Viral Video

सोशल मीडियावर अपघांताचे थरकाप उडवणारे सीसीटीव्ही फुटेज कायमच व्हायरल होत असतात. जे पाहून भल्याभल्यांच्या अंगावर काटा उभा राहतो. बहुतेकदा निष्काळजीपणा अपघाताचे मुख्य कारण असते. सध्या सोशल मीडियावर एका महिलेचा व्हिडिओ व्हायरल होत आहे, या व्हिडिओत मोबाईलवर बोलण्याच्या नादात एका महिलेचा थोडक्यात जीव बचावल्याचे समोर आले आहे.

कायम वाहतुक पोलिसांकडून सुचना मिळते गाडी चालवताना मोबाईलचा वापर करु नये. तरीही काही मंडळी असतात जी सुचनांकडे दुर्लक्ष करतात आणि त्यात त्यांचा जीव जातो. व्हायरल होत असलेला व्हिडिओ दिल्ली पोलिसांनी शेअर केला आहे.

व्हायरल होत असलेल्या व्हिडिओत तुम्ही पाहू शकता की, एक महिला स्कुटीवरुन जातेय. दरम्यान तिला एक कॉल येतो ती तशीच धावत्या स्कुटीला एका हाताने थांबवण्याचा प्रयत्नात स्कुटीचा पटकन ब्रेक दाबते. यानंतर ती कॉलवर बोलत असताना स्कुटीवरचे नियंत्रण सुटते आणि रस्त्यावर धावत सुटते. धक्कादायक बाब म्हणजे जेव्हा स्कुटीवरचे तिचे नियंत्रण सुटते तेव्हा समोरुन एक ट्रक येतो. नशिब बलवत्तर म्हणून ट्रकच्या खाली येण्यापासून महिला बचावली.

सोशल मीडिया एक्स अॅपवरील (ट्वीटर)@DelhiPolice या अकाऊंटवर व्हिडिओ पोस्ट करण्यात आला आहे. व्हिडिओ पोस्ट होताच नेटकऱ्यांनी मोठ्या प्रमाणात कमेंटस् केल्यात. व्हिडिओला लाखोच्या घरात व्ह्यूज मिळत आहेत तर लाईक्सही येत आहेत.