Marathi Songs In London: सोशल मीडियावर म्हणजे असंख्य व्हिडिओचा खजिनाच आहे. यावर आपल्याला एकापेक्षा एक भन्नाट व्हिडिओ पाहायला मिळतात. हे व्हिडिओ कधी आश्चर्याचा धक्का देणारे असतात तर कधी पोट धरुन हसायला लावतात.

सध्या अशाच एका व्हायरल व्हिडिओने नेटकऱ्यांचे लक्ष वेधले आहे. ज्यामध्ये मराठी गाण्यांनी चक्क लंडनमध्ये वेड लावल्याचे पाहायला मिळत आहे. काय आहे या व्हायरल व्हिडिओची कथा; चला जाणून घेवू... (Viral Video News In Marathi)

काय आहे व्हिडिओ?

मराठी गाणी लावलं की प्रत्येकाच अंग डुलायला लागतं. मराठी गाण्यांचा तालच असा असतो की ऐकणाऱ्याला ठेका धरल्याशिवाय राहवत नाही. चंद्रा असो किंवा हात नका लावू माझ्या साडीला असो.. मराठी चित्रपटातील अशी असंख्य गाणी आहेत, जे प्रेक्षकांना अक्षरशः वेड लावत असतात. आता हेच मराठी गाण्याचे वेड अगदी सातासमुद्रापल्याड गेले आहे. ज्याचा व्हिडिओ सोशल मीडियावर (Social Media) तुफान व्हायरल होत आहे.

लंडनमध्ये अवतरली चंद्रा...

या व्हायरल व्हिडिओमध्ये लंडनमधील (London) एका कार्यक्रमामध्ये थेट मराठी गाण्यांनी धुमाकूळ घातल्याचे दिसत आहे. ठाण्यातल्या एक मराठी गायक, संगीतकाराने (डीजे) ही मराठी गाणी लंडनमध्ये वाजवली आहेत. चंद्रा, रेशमांच्या रेघांनी, नाच नाच नाच राधे नाच नाच नाच, अशा फेमस मराठी गाण्यांवर लंडनच्या पब्लिकने ठेका धरल्याचे या व्हिडिओमध्ये दिसत आहे. एकापेक्षा एक जबरदस्त गाण्यांनी लोकांना नाचायला लावल्याचे या व्हिडिओमध्ये दिसत आहे.

ठाणेकरांचे आभार...

@kratexmusic या इंस्टाग्राम पेजवरून हा व्हिडिओ शेअर करण्यात आला आहे. या व्हिडिओमध्ये यामध्ये "रेशमांच्या रेघांनी, हिल हिल पोरी हिला, विंचू चावला, अंग नाच नाच राधे, दिसला गं बाई दिसला, वेसावची पारू नेसली गं, चंद्रा, कोण होतीस तू काय झालीस तू" ही गाजलेली मराठी गाणी वाजत आहेत.

या व्हायरल (Viral Video) व्हिडिओला "१६ जुलै रोजी आपण मराठी संगितामध्ये इतिहास घडवला, ठाणेकरांनो तुमचे खूप खूप आभार, तुमच्यासाठी काय पण" असा कॅप्शनही दिला आहे. व्हिडिओवर नेटकऱ्यांनीही जोरदार प्रतिक्रिया दिल्या असून आत्तापर्यंत १ लाख ४४ हजार नेटकऱ्यांनी या व्हिडिओवर पसंती दर्शवली आहे.  (Latest Marathi News)