Viral Video : सोशल मीडियावर अनेक चित्रविचित्र व्हिडीओ व्हायरल होत असतात. अशाच एका व्हायरल व्हिडीओची चर्चा सोशल मीडियावर होत आहे. या व्हिडीओमध्ये एक महिला नग्न अवस्थेमध्ये विमानतळावर गोंधळ घातलाना दिसत आहे. तिने विमानतळावरील प्लाझ्मा स्क्रीन तोडली आणि लोकांवर पाणी फेकत असल्याचे व्हिडीओमध्ये पाहायला मिळत आहे. ही घटना अमेरिकेतील टेक्सास विमानतळावर घडल्याचे म्हटले जात आहे.

मिळालेल्या माहितीनुसार, व्हायरल व्हिडीओमध्ये नग्न अवस्थेत फिरणाऱ्या महिलेचे नाव संमथा पाल्मा असे आहे. ती विमानतळावर कपडे न परिधान करता फिरत होती. तिने इतर प्रवाशांना त्रास द्यायला सुरुवात केली. लोकांच्या अंगावर पाणी फेकले. तेथील एका मॅनेजरने संमथाला आवरण्याचा प्रयत्न केला. पण तिने मॅनेजरवरच हल्ला केला.

नग्न अवस्थेतील संमथा पाल्माला पाहून एका प्रवाशांने तिला स्वत:चा कोट काढून दिला. पण रागाच्या भरात तिने प्रवाशाला शिवीगाळ केली. तिने मॅनेजरची पेन्सिल हिसकावून त्याच्यावर वार केले. मॅनेजरच्या डोक्याला आणि चेहऱ्याला दुखापत झाली. तिने आणखी दोन प्रवाशांवर देखील पेन्सिलने हल्ला केल्याची माहिती समोर आली आहे. तिच्या शरीरावर रक्त देखील होते.

विमानतळावर गोंधळ घातल्यानंतर संमथा टर्मिनल डीच्या गेट डी १ च्या आपत्कालीन दरवाजाच्या मागे लपून बसली. पोलिसांनी तिला ताब्यात घेतले आहे. घटनेच्या वेळी संमथा तिच्या आठ वर्षाच्या मुलीसोबत प्रवास करत होती. पोलीस चौकशीमध्ये तिने औषध चुकवल्याचे मान्य केले. औषध न घेतल्याने हा प्रकार घडला असा अंदाज वर्तवला जात आहे.