आता बातमी आहे एका व्हायरल व्हिडिओची...हनुमानाची महाकाय गदा सापडल्याचा दावा करणारा व्हिडिओ व्हायरल करण्यात आलाय...पण, खरंच हनुमानाची गदा सापडलीय का...? याची आम्ही पडताळणी केली...त्यावेळी काय सत्य समोर आलं पाहुयात...

या व्हिडिओत पाहा...काही लोक समुद्रात होडीतून खाली उतरतात आणि हनुमानाच्या गदेचा शोध घेऊ लागतात...गदा समुद्राच्या खोलवर आढळल्याने बाहेर काढण्यासाठी हेलिकॉप्टरला पाचारण करण्यात आलंय...त्यानंतरही साखळीच्या सहाय्याने ही महाकाय गदा बाहेर काढत असल्याचं दाखवलंय...पण, ही गदा समुद्रात कुठे सापडलीय...? खरंच ही गदा हनुमानाचीच आहे का...? याची सत्यता जाणून घेण्यासाठी आमच्या व्हायरल सत्य टीमने पडताळणी सुरू केली...त्यावेळी आमच्या पडताळणीत काय सत्य समोर आलं पाहुयात...

व्हायरल सत्य

साम इन्व्हिस्टिगेशन

हनुमानाची गदा समुद्रात सापडलेली नाही

गदा बाहेर काढतानाचा व्हिडिओ AI निर्मित

AIच्या माध्यमातून गदा बाहेर काढतानाचा व्हिडिओ

लोकांची दिशाभूल करण्यासाठी व्हिडिओ व्हायरल

AI च्या माध्यमातून हुबेहुब व्हिडिओ तयार केले जातात आणि व्हायरल केले जातात...त्यामुळे लगेचच हा व्हिडिओ खरा आहे की तयार केलेला हे कळत नाही...मात्र, आमच्या पडताळणीत समुद्रात हनुमानाची महाकाय गदा सापडल्याचा दावा असत्य ठरलाय.