तुम्हाला सोनं आवडतं का? तुम्हाला सोनं आवडत असेल तर ते परिधान करा कारण, त्यामुळे आपल्या आरोग्यास फायदे होतात असा दावा करणारा मेसेज व्हायरल करण्यात आलाय...मात्र, हा दावा खरा आहे का? याची आम्ही पडताळणी केली. त्यावेळी काय सत्य समोर आलं. पाहुयात.

तुम्ही सोनं घालता का?

अंगावर सोन्याचे दागिने घालत असाल तर तुम्ही निरोगी राहाल.हे आम्ही म्हणत नाहीये.तर सोशल मीडियावर व्हायरल होणारे हे मेसेज पाहा.सोनं अंगावर घातल्याने शरीर हेल्दी राहतं. सोनं चांगलं असतं असा दावा करण्यात आलाय पण, या दाव्यात तथ्य आहे का?

मेसेजमध्ये काय दावा केलाय पाहुयात.

व्हायरल मेसेज

सोनं घातल्याने आरोग्य सुधारतं आणि शरीर शुद्ध होते. सोन्यामुळे शरीरावर सकारात्मक प्रभाव पडतो आणि नसा, स्नायू, तसेच मेंदूवरही चांगले परिणाम होतात. याच मेसेजची आम्ही पडताळणी करणार आहोत, त्यासाठी तुम्ही पुढील 3 मिनिटं ही बातमी पूर्ण पाहा.

व्हायरल मेसेजमागचं सत्य काय?

सोनं हे कुणाला नको असतं. सगळ्यांनाच सोनं आवडतं. मात्र, आता सोन्याचे वाढते दर पाहता सगळ्यांनाच परवडत नाही पण, खरंच सोनं घातल्याने आरोग्य हेल्दी राहतं का? सोन्यामध्ये असं काय असतं त्यामुळे थेट आरोग्यावर फायदे होतात? याची माहिती जाणून घेणं गरजेचं आहे. कारण, अनेकांना दागिने अंगावर घालायला आवडतात. महिला तर कार्यक्रमांमध्ये दागिने नसतील तर जातही नाहीत. त्यामुळे याची सत्यता जाणून घेण्यासाठी आमच्या व्हायरल सत्य टीमने तज्ज्ञांचा सल्ला घेतला.

व्हायरल सत्य /साम इन्व्हिस्टिगेशन

मेडिकल सायन्स स्टडीजमध्ये अद्याप हे सिद्ध करणारं संशोधन नाही

सोनं अंगावर घातल्याने शरीर शुद्ध होतं, यात तथ्य नाही

सौंदर्य वाढीसाठी दागिन्यांचा वापर होतो, आरोग्यासाठी नाही

सकस आहार, व्यायाम, पुरेशा झोपेमुळे आरोग्य निरोगी राहतं

आयुर्वेदामध्ये सुवर्ण भस्म खाण्याचे फायदे सांगण्यात आलेत.

त्यामुळे आमच्या पडताळणीत सोनं परिधान केल्याने आरोग्याला फायदा होतो हा दावा असत्य ठरलाय. हे अजून वैज्ञानिक दृष्टीकोनातून सिद्ध झालेलं नाही.आयुर्वैदात हे आरोग्यास चांगलं असल्याचं सांगितलं असलं तरीदेखील संशोधनातून सिद्ध झालेलं नाही.त्यामुळे निरोगी आरोग्यासाठी सकस आहार आणि व्यायाम करा. अशा व्हायरल मेसेजवर विश्वास ठेवू नका..